Home Notisia Covid-19 Ho May Day, Oinsa Ho Frontline Sira nian Salariu ka Subsidiu?...

Covid-19 Ho May Day, Oinsa Ho Frontline Sira nian Salariu ka Subsidiu? CIJK Sei Informa iha Tempu Badak

626
0
Ilustrasaun ba frontline sira iha Covid-19. [Foto: Copyright Rose Law Group Reporter| 01.05.2020]

Reportazen Zevonia Vieira

Loron Trabalhador ka konnesidu ho May Day ne’ebe monu iha loron 1 Maiu. Iha loron ida ne’e trabalahdor sira ezije direitu ne’ebe mak durante ne’e karik sedauk responde ho diak hosi kompania sira ne’ebe mak serbisu, liu-liu ba trabalhador sira ne’ebe mak ho salariu minimu.

Relasiona ho situasaun moras Covid-19 iha Timor-Leste, bainhira governu implementa estadu emerjensia, liu hosi Centru Intergadu Jestaun Krize [CIJK] serbisu hamutuk ho governu hodi kria frontline ka ema sira ne’ebe hamrik iha linha oin, hodi serbisu kombate covid-19 iha Timor-Leste.

Sira nia serbisu importante tebes no presiza hetan apresiasaun maibe sira mos presiza hetan sira nia direitu ne’ebe razoavel no dignu liu-liu liga ba salariu ka subsidiu ba frontline sira.

Neon Metin halo konfirmasaun ba CIJK relasiona ho subsidiu ka salariu ba frontline sira hanesan cleaner iha fatin izolamentu, kuarentena, professional saude sira, sofer ambulansia sira, desinfektdor, polisia no seguransa sira nia direitu ne’e razoavel ou lae?

Ba Neon Metin portavoz CIJK, Dra. Odete Viegas hatan katak iha loron trabahlador maske iha situasaun moras Covid-19 no Estadu Emerjensia [EE] maibe frontline sira kontinua halao sira nia knaar, ne’e nudar sakrifisiu boot ida hodi kontribui ba rai ida ne’e.

“Koalia konaba salariu no subsidiu ba frontline sira karik iha tempu badak nia laran ita boo sira sei hatene. Mais menus ami tau kriteriu 3 hanesan frontline primeiru mak ema sira ne’ebe serbisu iha izolamentu no ema sira ne’ebe serbisu iha laboratoriu vijilansia epidimiolojia, ema sira ne’ebe mak tun direitamente hodi hare maluk sira ne’ebe suspeitu”, hateten Dra. Odete iha centru media CCD, 01/05.

Dra. Odete hatutan ba frontline segundu mak ba ema sira ne’ebe serbisu iha kuarentena no mos porto de entrada sira. Ba kriteiru datoluk mak serbisu de apoiu sira, bele klasifika ema sira ne’ebe serbisu iha eskritoriu maibe mos apoiu ba covid-19 ne’ebe laiha relasaun direitamente ho ema moras.

“Klaru ita tau montante ne’ebe mak razoavel ba dedikasaun ne’ebe mak halo maibe haul abele fo sai lai nia montanten maibe iha tempu badak ita sei hatene. Atu hateten katak ema ne’ebe serbisu sei hetan direitu ida ne’e”, tenik Dra. Odete.

Print Friendly, PDF & Email

LEAVE A REPLY

Please enter your comment!
Please enter your name here