Reportazen Zevonia Vieira
Pandemia Virus Corona halo ema iha nasaun tomak tauk tanba enfrenta hodi hetan moras Covid-19, balu kazu lizeiru, balun grave no to’o ikus tenke hakotu sira nia vida iha sala izolamentu.
Liu hosi centru media portavoz Centru Integradu Jestaun Krize [CIJK], Dra. Odete Viegas informa katak durante pandemia Covid-19, to’o ohin loron sedauk iha kazu mate iha Timor-Leste no presiza agradese ba Nai Maromak.
“Ita relata ona kazu rekupera to’o ohin loron hamutuk ema nain 16. Hakarak lori sala de situasaun , Centru Integradu Jestaun Krize [CIJK] nia naran agradese populasaun iha Timor-Leste nia laran tomak, professional saude, seguransa, komponentes hotu no familiares hosi maluk sira hotu ne’ebe hela iha kuarentena no isolamentu durante ne’e, tanba kontribui ona durante periodu defisil ne’e ho pasensia ho ita boot sira hotu ninia kolaborasaun ita konsege liberta ona sira nain 16 hosi Covid-19”, hateten Dra. Odete Viegas, iha CCD 01/05.
Dra. Odete inform aba populsaun tomak atu idak-idak kontinua assume kontribuisaun ba kombate Covid-19, durante tempu hirak tuir mai, hodi nafatin akompanha maluk sira ne’ebe sai ona hosi kuarentena no isolamentu atu kumpri nafatin medidas preventivas hotu, hodi hadook an nafatin hosi Covid-19.
