Home Notisia Peskiza UNICEF hatudu COVID-19 Afeta Ba Foinsa’e, Liu-liu Ema ho Difisiénsia nia...

Peskiza UNICEF hatudu COVID-19 Afeta Ba Foinsa’e, Liu-liu Ema ho Difisiénsia nia Estudu

316
0
Aprezentasaun Rezultadu Peskija (Foto: Adroaldo S.)

Reportazen Adroaldo ‘Saretukau’

Komisaun Direitu Labarik hamutuk ho Fundu Nasoins Unidas ba Labarik (UNICEF) aprezenta rejultadu peskiza konabá oinsá adolesente no foinsa’e sira sente pandemia COVID-19 afeita sira nia moris. Peskija hala’o ba foinsa’e 400 inklui ema ho difisiente ne’ebé mai hosi munisípiu 12 no RAEOA, entre idade 10 to’o 24. Aprezentasaun ne’e  bolu mos parte governu hodi mai ko’alia no fahe hamutuk ho joven sira iha workshop ne’ebé hala’o iha Sala Leitura Xanana Gusmão.

Peskiza ne’e hatudu menus asesu ba edukasaun nu’udar mudansa bo’ot ba sira-nia moris tanba pandemia COVID-19, tuir kedas ho fase liman, limpeza, interasaun sosial oituan, no iha tempu barak ho familia no amigu sira. Peskiza ne’e hatudu mos katak ta’uk no tristeza mak esperiensia barak Iiu.

Respondente estudante hamutuk pursentu 85, sira barak Iiu mai husi universidade no eskola sekundaria, no hateten sira saudade loos ba eskola. Respondente pursentu 39 difisil fila fali ba eskola, no barak Iiu mak sira ho difisiensia.

“Iha emerjensia hotu, adolesente no foinsa’e la hetan konsulta natoon tanba governu no parseiru sira lalais Iiu atu hatan. Ita nia objetivu mak atu atinji ba segimentu populasaun importante no bo’ot, rona ba sira, no garante ema rona sira nia Iian no sira nia ideia inklui iha prosesu hatan no rekuperasaun,” dehan Dinorah Granadeiro, Komisaria Direitu Labarik,  iha Sala Leitura Xanana Gusmão, Kinta, 4/03.

Wainhira husu kona-ba labarik no foinsa’e sira nia nesesidade hetan konsiderasaun natoon husi ema mak foti desizaun sira, repondente pursentu 40 dehan, sira hakarak ema mak foti desizaun sira foka Iiu ba labarik no foinsa’e sira, lu-liu konaba labarik sira nia edukasaun no kriasaun empregu ba foinsa’e sira.

“Labarik ida-idak iha direitu atu espresa livremente sira-nia vizaun no hola parte iha prosesu foti desizaun mak afeta sira-nia moris,” dehan Scott Whoolery, Enkaregadu Reprezentate UNICEF iha Timor-Leste.

iha parte seluk, foinsa’e difisiensia Jusuino Valente Soares de Araújo hosi Asosiasaun Difisiente Timor-Leste (ADTL) ne’ebé partisipa iha workshop ne’e, konta nia istória mak nia hasoru ho nia belun difisiensia sira seluk durante estadu emerjénsia iha tinan kotuk, sira lakon sira nia aktividade inklui eskola.

“Durante fulan tolu nia laran ema ho difisiensia barak mak lakon sira nia estudu. Ami lakon ami nia eskola, lakon ami nia aktividade sira, liu-liu tanba ami la iha estudu online, entaun ami lakon ami nia estuda durante fulan tolu nia laran durante estadu emerjénsia,” hateten joven difisiensia Jusuino.

Nia hatutan depos de sira tama fali eskola, ema ladun iha atensaun ba ema ho difisiensia sira iha sira nia eskola, nune’e mos durante estadu emerjénsia la iha atensaun di’ak ba ema difisiensia sira.

Print Friendly, PDF & Email

LEAVE A REPLY

Please enter your comment!
Please enter your name here