Reportazen Adroaldo ‘Saretukau’
Centro Formação Técnica em Comunicação (CEFTEC) konklui formasaun unidade neen ho atribuisaun sertifikadu nível 2 iha área média no komunikasaun, ba formain andu n188 hosi nível nasional no municipal, durante períodu fulan sia nia laran.
Iha serimónia atribuisaun ne’e Diretor Nasional CEFTEC, Luis Evaristo dos Santos Soares hateten nudar centro dezenvolve capital umanu no hasa’e produtividade konstituisional, liu hosi formasaun espesializada iha área komunikasaun de’it sei la to’o, nune’e tenki kria esforsu hodi haforsa CEFTEC sai hanesan institutu formasaun ida ne’ebé fo esperansa ba espetativa públiku.
Nia hatutan atualmente CEFTEC iha rekursu hodi implementa formasaun sira área sira hanesan Relasaun Púbilka no Protokolu, Televizaun, Rádiu no Multimedia Jornalizmu ni-nian. No rekruta mos formador temporariu sira hodi implemetan unidade formasaun ne’ebé mak CEFTEC planeadu tuir kalendáriu formasaun nian.
“Formasaun no kapasitasaun nu’udar papel CEFTEC, nune’e pesoal ne’ebé servisu no hala’o knaar iha área Komunikasaun Sosial no setor públiku no privadu sira, nune’e CEFTEC konsiente katak rekurus umanu nu’udar fator determinante hodi garante kualidade no sustentabilidade ba dezenvolvimentu future iha área área Komunikasaun Sosial,” dehan Diretor CECETEC iha nia diskursu, iha Salaun apuramentu Nasional CNE, sesta, 18/12.
Diretor akresenta mos katak iha tinan ne’e CEFTEC implementa formasaun iha área Multimedia, Relasaun Públika no Protokolu ba ajente funsaun públiku sira iha Munisípiu Likisa no Ermera, “iha era digital ajente funsaun públiku sira tenki progresivu atu adapta teknolojia modernu,” hateten Diretor CEFTEC.
Nia hatutan iha tinan ne’e formadu sira atinji de’it nível atribuisaun sertifikadu nível 2 ne’e katak sira kompleta ona 500 oras formasaun inklui aula iha sala formasaun, estájiu profisional no estudu autónomo. Sei iha oportunidade ba sira hodi hetan tan sertifikadu nível 4 por volta de 600-1200 oras ba formasaun nian, maibé nafatin tuir regra ne’ebé CEFTEC hatuur ona.
Iha fatin hanensan Sekretariu Estadu Komunikasaun Sosial, Mericio Akara hato’o sentimentu kontente ho informasaun ne’ebé simu hosi CEFTEC ba iha formasaun ne’e rasik tanba hetan progresisu ne’ebé di’ak. Hahú 2016 to’o 2020 CEFTEC produz ona formandu hamutuk 643 ne’e rejultadu ida mak halo ita kontente. Iha 2020 ita iha formandu 188 mak tuir formasaun hosi unidade formasaun neen, ida ne’e kontribui ona ita nia rekursu umanu iha rai laran.
“Avaliasaun hatudu katak formandu sira barak mak ho idade produtivu hahú hosi tinan 26 to’o 36, sira mak sai formandu, ida ne’e halo ami kontente tanba ita produz rekursu umanu ne’ebé produtivu, ita orgullu tanba CEFTEC bele halo ida ne’e,” hateten Sekretariu Estadu Mercio iha nia diskursu, iha Salaun CNE, sesta, 18/12.
Formasaun ne’e ho 53% mai hosi funsionáriu liñas ministeriais sira, 48% hosi finalista seitor privadu, formandu finalista univesitáriu ho 66% no 3% hosi formandu Sentru Informasaun Suku. Iha tinan ida ne’e CEFTEC iha persentajen formandu feto 45% no mane 55%.
Formasaun ne’e iha Unidade neen mak hanesan Komunikasaun Relasaun Públika no Protokolu, Multimedia, Formasaun Rádiu, Hakerek Imprensa, lian Tetun ba Jornalizmu no Unidade Formasaun Televizaun, ne’ebé formandu sira mai hosi Instituisaun Públiku ka liñas Ministeriais sira, seitor privadu, Sentru Informasaun Suku, Rádiu, Finalista Sekundária no Universitáriu.
Reprezentante Formandu sira, Angelina dos Reis fo obrigado tanba bele fo ona oportunidade ba sira iha instituisaun Estadu no Privadu no aumenta ona sira nia kapasidade no koñesimentu hodi empeña di’ak liu tan sira nia aan iha sira nia kareira servisu.
CEFTEC mak institute ida ne’ebé kompleta ona padraun nasional no hetan ona akreditasaun hosi Institutu Nasional Maun de Obra ho títutulu kualifikasaun sertfikadu nível 4 iha área Média no Komuniksaun. CEFTEC nafatin tuir ritmu servisu governu kontitusional ni-nian liu hosi Ministru Asuntu Parlamentar no Komunikasaun Sosial ne’ebé tutela direitamente ba Sekretariu Estadu Komunikasaun Sosial hodi transforma CEFTEC nu’udar Institute Formasaun ida.
