Home Uncategorized EUA-MS Ofisialmente Entrega Klinika Saude Ba Komunidade Iha Kada Bunak

EUA-MS Ofisialmente Entrega Klinika Saude Ba Komunidade Iha Kada Bunak

258
0
EUA-MS entrega Klinika Kada Bunak ba komunidade. [Foto: David da Costa | 21.05.2021]

Reportajen David da Costa Gusmao

Governu Estadu Unidus Amerikanu (EUA) liu hosi nia Embaixada iha Timor-Leste, Kevin Blackstone hamutuk ho Ministra saude (MS,) Odete Maria Freitas Belo ofisialmente ohin oferese  klinika ida ba komunidade Kada Bunak iha Aldeia Namalai suku Kameia,  Postu Administrativu Kristu Rei, Munisipiu Dili.

Embaxador Amerika iha Timor-Leste, Kevin Blackstone dehan obra ba renovasaun klinika Kada Bunak nu’udar rekonesementu husi kontraktor timoroan sira ho finansiamentu hosi forsa naval Estadus Unidus Amerika nian.

“Kada Bunak fatin ida ne’ebe pontu alto Dili nian ne’ebe furak, atu fo rekonesementu ba obra diak ne’e ne’ebe halao husi kontraktor timoroan nian ho finansiamentu husi forsas EUA nian liu husi enjenaria forsa naval,”nia dehan ba jornalista iha Namalai-Dili, 21/05.

Nia hatutan rehablitasaun ba klinika Kada Bunak ne’e governu Estadus Unidos Amerika aloka fundus husi forsa naval Amerika nian ho montante osan $152,839.  Amerika sei nafatin apoiu Timor-Leste iha area oin-oin iha future.

Ministra Saude, Odete Maria Freitas Belo agradese ba governu Amerikanu nia apoiu hodi bele halo rehablitasaun ba postu klinika refere, hodi bele halo asistensia saude ba komunidade sira iha fatin ne’e.

Enterantu  Xefe Aldeia Namalai Fernando Maia kontente ho klinika foun ne’e, tanba bele fasilita diak liu tan komunidade sira hodi ba asesu centru saude no agradese tebes governu Amerikanu no Timor-Leste.

Klinika Kada Bunak ne’e kompleta ho fasilidade saude balun no kuartu atendementu ha’at, hanesan sala farmasia, sala konsulta maternidade ida, sala konsulta jeral no sala laboratorio.

Print Friendly, PDF & Email

LEAVE A REPLY

Please enter your comment!
Please enter your name here