Reportajen Silvino Freitas
Ministériu Edukasaun la konsidera ba profesor kontratadu iha tinan 2023 hamutuk 1,449 hodi tama ba iha ingresu espesiál ne’ebé haktuir iha dekretu lei artigu 11, maibé konsidera de’it maka professor sira ne’ebé kontrata iha tinan 2013-2022, tanba ne’e profesor hirak ne’e husu atu halo diskusaun maibé liha resposta husi ministériu edukasaun.
Tuir portavoz profesor kontratadu Celestino Belo katak, profesores kontratadu iha tinan 2023 ne’ebé minisiteriu edukasaun la konsidera hodi tama ba iha ingresu espesiál, ne’ebé sira konsidera no interpreta katak desizaun ne’ebé ministra foti la tuir dekretu lei ne’ebé estabelese ona, tanba tuir dekretu lei la defini ba ingresu espesiál ne’e ba iha professor kontratadu sira ne’ebé kontratu iha 2013-2022 no laiha artigu ida maka difini kona-ba desizaun refere, maibé sira uza dekretu refere atu tama ba ingresu espesiál.
“Ministra nia desizaun maka atu tama ba ingresu espesiál ne’e husi 2013-2022 de’it maibé dekretu lei la difini iha ne’ebá, ida tan maka kona-ba avaliasaun dezempeñu ne’e minimu bom, iha dekretu lei artigu 38 númeru 1 dehan profesor hotu hotu ne’ebé hala’o ona kna’ar iha eskola avaliasaun dezempeñu minimu fulan 6 ba leten, signifika katak professor kontratadu iha 2023 priense ona rekezitu ida ne’e” dehan Celestino liuhusi konferénsia imprensa iha jardín 5 de maio, (27/11).
Nia dehan, tuir termu kontratu ne’ebé hala’o tiha ona katak kantratu hahú husi 1 de janeiru to’o 31 de dezembru, tanba ne’e ministeria edukasaun manipula dekretu lei, tuir loloos ejijensia ne’e antes maibé tanba haree ba vokasaun nu’udar profesor hodi apoiu dezenvolvimento edukasaun iha Timor Leste, maibé iha tinan ida ne’e tenke hala’o ejijensia tanba dekretu lei ne’e maka obriga, tanba ne’e ministeriu tenke kumpre ba dekretu refere karik sira nia loos maka, sira halo karta audénsia atu halao diskusaun maibé laiha resposta.
“Tuir publikasaun profesor kontratadu hamutuk 1,449 iha tinan 2023 maka la tama ba iha ingresu espesiál, tanba ne’e ami kestiona dekretu ida ne’ebé maka hateten hanesan ne’e, sira atu loke konkursu públiku ba iha professor hotu inklui kontratadu maibé dekretu lei la difini no mós ami nia kontratu remata iha dezembru no iha artigu 11 hateten ingresu espesiál hotu la’ós 2013-2022 de’it” dehan Celestino.
