Reportajen Bernarda da Costa, Calisto dos Santos Oqui
Sekretáriu Estadu Juventude Desportu (SEJD) ho Federasaun Futeból Timor-Leste (FFTL) asina akordu hodi dezenvolve futeból Juvenil iha Timor-Leste, atu prepara joven sira ba futuru bele sai jogador ne’ebe diak.
Presidente Federasaun Futeból Timor-Leste, Fransisco Martins da Costa Pereira Jerónimo hateten kooperasaun ida ne’e mai ho objetivu, atu halo preparasaun ba jogadór sira iha futuru liu-liu ba futeból juveníl sira .
“Akordu ne’ebe mak ohin asina, sei implementa iha 2022 hahú husi Janeiru ami sei halo preparasaun diak no haré liu ba grupo Juvenil sira tamba sentru Juvenil kuaze iha 13 munisipiu no nivel nasional sira tamba ami hakarak halo buat ida ne’ebe maka sistematiku atu prepara joven sira ba future.”dehan presidente FFTL iha Salaun enkontru SEJD,Tersa 14/12.
Iha parte seluk Sekretáriu Estadu Juventude no Desportu, Abrão Nokosiku Saldanha hato’o agradese ba disponibilidade Federasun Futebol Timor-Leste FFTL tanba bele aseita akordu kooperasaun ida ne’e, atu nune’ bele sistematiza servisu hamutuk entre governu no federasaun futebol.
“Akordu ida ne’e sei foka liu ba dezenvolve futebol Juvenil no kontinua apoiu liga sira,maibe fokus barak liu ba iha futebol Juvenil tamba futebol Juvenil importante tebes hodi dezenvolve futebolista no dezenvolve sidadaun sira ho dixiplina husi valores desportu nian”dehan Sekretariu Estadu Juventude no Desportu.
Abrao dehan tanba federasaun mak sai hanesan area futeból nian, enkuantu nia interesse hodi dezenvove labarik siraentaun kombina interese rua ne’e liu husi dezenvolvimentu futebol Juvenil nian.
Nia dehan tan governu hakarak apoiu iha protokolu operasaun ne’e iha hotu ona ,negosiasaun entre ekipa rua mos iha hotu ona, governu tau sorin iha rekrutamentu dos treinadores, balun iha fasilidade iha akordu nia laran, fahe ba parte sira ne’ebe tuir ida-idak nia responsabilidade. Oinsá mak bele tau hamutuk investmentu ne’ebe kada parte iha nune bele foku ba sentru futebol Juvenil.
.
