Home Notisia Pedro Belo Halo Deklarasaun Laloos, PM Taur Husu Deskulpa ba OMS

Pedro Belo Halo Deklarasaun Laloos, PM Taur Husu Deskulpa ba OMS

2752
0
Primeiru Ministru Taur Matan Ruak (Foto: Sapo.tl)

Media Gabinete Priemiru Ministru nian haktuir katak, horiseik (24/03), Superintendente Xefe Polisia, Pedro Belo deklara ba TVTL katak Organizasaun Mundial Saude (OMS) nia prezensa iha Timor-Leste nudar projetu ida. Ba statement publik ida ne’e, Koodenador Rezidente ONU, Roy Trivedy no Reprezentante OMS hato’o lamentasaun ba Primeiru Ministru Taur Matan Ruak ohin, 25/03, iha Palacio Governo.

Iha loron hanesan Koordenador Rezidente ONU nian mos hato’o komunikadu imprensa ba publik hodi hatudu diskontentamentu ONU nian ba saida mak Komandante Operasional PNTL, Pedro Belo halo ona.

Koordenadór Rezidente ONU iha Timor-Leste, Roy Trivedy, deklara hasoru dezinformasaun mak hato’o hosi Komandante Operasional PNTL, Pedro Belo, ne’ebe hatete katak Organizasaun Mundial Saude (OMS) la ajuda governo hodi kombate COVID-19. Roy Trivedy hatete katak deklarasaun Komandante Pedro Belo nian ne’e laloos no irresponsavel.  

“Ha’u neon-susar bainhira haree no rona funsionáriu superiór ida deklara iha fatin públiku iha Televizaun Nasionál horikalan katak nia: “…la kontente ho OMS … sira la ajuda governu atu kombate COVID-19 …”. Deklarasaun ida-ne’e hosi Komandante Operasionál PNTL mak fatualmente laloos, hatudu irresponsabilidade boot no hatudu mós katak nia falta komprensaun kona-ba OMS nia knar,” Koordenadór Rezidente ONU iha Timor-Leste, Roy Trivedy, deklara liu komunikadu imprensa publika ohin, 25/03.

Roy Trivedy hato’o deklarasaun ida-ne’e hodi naran Sistema Nasoins Unidas iha Timor-Leste.

Ba lamentasaun ne’ebe hato’o, Primeiru Ministru Taur Matan Ruak, lori goveno nia narak husu deskulpa. Meia Gabinete Primeiru Ministru nian haktuir katak, Deklarasaun refere la refleta governo no estadu Timor-Leste. Primeiru Ministru husu ona ba Ministru Interior Interinu atu fo atensuan ba asuntu ne’e no husu atu PNTL koalia deit kona ba sira nia area servisu.

Primeiru Ministru Taur mos hato’o ba reprezentante OMS katak governo iha konfiansa nafatin ba OMS no apresia tebes OMS nia servisu iha Timor-Leste. Reprezentante ONU nian no mos OMS iha Timor-Leste agradese asaun ne’ebe Primeiru Ministru Taur halo ona.

LEAVE A REPLY

Please enter your comment!
Please enter your name here