Home Notisia Aplikante Atu Sai Membru Parlamentu Foinsa’e Ba Tinan 2024-2026, Feto Okupa ho...

Aplikante Atu Sai Membru Parlamentu Foinsa’e Ba Tinan 2024-2026, Feto Okupa ho 73%

736
0
Tomada de Posse ba Parlamentu Foinsae iha salaun GMNTV. [Foto: Umbelina | 13.12.2023]

Reportajen Umbelina dos Reis


Alumni Parlamentu Foinsa’e Timor-Leste (APFTL) realiza atividade tomada de pose ba membru Parlamentu Foinsa’e períodu da-V, tinan 2024 – 2026. Ida ne’e Governu kria espasu ba joven sira oinsá prepara líder ne’ebé kualidade ba futuru nasaun nian.
Prezidente APFTL, Zaulino Gomes da Silva, informa ba publíku katak bainhira prosesu eleisaun ne’e la’o iha postu administrativu territoriu Timor-Leste, foinsa’e sira ne’ebé idade 12 to’o 17 ne’ebé interese ba prosesu refere total hamutuk 2149 pessoas ne’ebé halo aplikasaun refere, mane nia aplikasaun no partisipasaun 27% maibé kuaze feto okupa 73%.


“Signifika aplikasaun ba membru Parlamentu Foinsa’e feto mak partisipasaun aas liu kompara ho mane, mane nia partisipasaun 27%, ne’e hatudu mai ita katak foinsa’e sira idade 12 to’o 17 anus hakarak duni kompete sai membru ba Parlamentu Foinsa’e, nune’e estabelese rezolusaun ho governu, númeru 23/2009, 18 de novembru ho alterasaun no rezolusaun númeru 47/2017, 16 de agustu”. Dehan Prezidente APFTL, Zaulino Gomes, liu hosi nia diskursu publíku, iha salaun Multifunsaun GMN Bebora, tersa-feira, 12/12.


Nia dehan, espasu ne’e hanesan aprendizajen foun oinsá debate konaba asuntu importante no forum joven sira nian, nune’e governu kria espasu ne’e oinsá prepara líder ne’ebé kualidade ba futuru. Parlamentu Foinsa’e mos debate ba kestaun ne’ebé ligadu ho asuntu foinsa’e sira hanesan Edukasaun, Saúde, Empregu, Seguransa no partisipasaun síviku, nune’e la’os debate liu hosi plenária de’it maibé halo literasaun sosial ba komunidade nia moris loro-loron.


“Bainhira sai líder ida karik hatene ona oinsá sentidu de sidadaun ida. Ita hatene katak iha diskursu polítiku ema sempre dehan joven mak futuru nasaun nian, maibé tempu naruk nia laran sosiedade sempre hanoin negativu. Tanba Timor-Leste iha problema konaba identidade negativu oin-oin ba joven no foinsa’e sira, entaun liu hosi kria atividade ida ne’e bele muda sosiedade sira nia hanoin negativu ba foinsa’e ne’e, tanba diskursu públiku sempre dehan joven mak futuru ba nasaun nian.” Nia dehan.
Nia konklui, espasu ne’ebé governu fó ba foinsa’e no joven sira primeiru hanesan membru Parlamentu Foinsa’e, sente ne’e importante tebes tanba tuir sensus 2022 nian, rezultadu hatudu mai ita liu 70% ema idade 35 mai kraik. Tuir lolos ne’e potensial ba ita bainhira aproveita ho di’ak nune’e kontribui ba konstrusaun estadu. Maibé bainhira la konsege aproveita oportunidade joven nian, nasaun nia futuru ne’e sai oinsá, atu prepara ba futuru líder kualidade ne’e dever ema adultu nian.

Print Friendly, PDF & Email

LEAVE A REPLY

Please enter your comment!
Please enter your name here