Home Notisia La’o Hamutuk: Jornalista Presiza Hatene Dadus OJE 2024, Hodi Konfirma Ba PN...

La’o Hamutuk: Jornalista Presiza Hatene Dadus OJE 2024, Hodi Konfirma Ba PN no Governu Konabá Diversifikasaun Ekonomia

825
0
Peskizador La'o Hamutuk, Mariano Fereira. [Foto: Agustina | 13.12.2023]

Reportajen Agustinha Amaral


Asosiasaun Jornalista Timor Lorosa’e (AJTL) kolabora ho La’o Hamutuk hodi organiza Media Briefing ba Jornalista sira kona-ba Orsamentu Jeral Estadu (OJE) 2024, ne’ebé foka liu ba asuntu sira liga ho Setor agrikultura no importánsia hosi diversifikasaun ekonomia hodi dezenvolve agrikultura iha Timor-Leste.
Peskizado La’o Hamutuk, Mariano Fereira hatete, fasilita treinamentu media briefing ba maluk jornalista sira atu partilla dadus, nune’e jornalista sira bele haree informasaun iha dadus ne’e hodi ba konfirma ho Parlamentu Nasional sira no mos governu hodi haree ba dadus ne’ebe luta hamutuk aprezenta konabá agrikultura.


“Ohin matéria espesífiku ba setor agrikultura tanba setor agrikultura ita hatene katak maioria populasaun moris depende liu ba agrikultura, entaun ita hanoin dezevolvimentu agrikultura ne’e mos tenke fó prioridade atu dezevolve tanba povu barak mak sei depende ba setor ida ne’e,” dehan, Reprezentante La’o Hamutuk iha Haburas, Farol, 11/12.


Nia hatutan, treinamentu ohin ne’e ko’alia barak ba dadus kona-ba setor agrikultura husi Ministériu Agrikultura nia orsamentu fundus ba infraestutura ne’ebe fó apoiu ba setor agrikultura sira nia servisu hanesan mos projeitu ligasaun bareira konabá agrikultura iha munisipiu sira hotu. Kategoria hirak ne’e atu koloka nu’udar agrikultura tan ne’e sira hakarak aprezenta ka analiza kada setor sira ne’e nia implementasaun hodi ajuda povu.


“Ami partilha ho media sira tanba ita hatene governu aprezenta ona orsamentu jeral estadu ba Parlamentu Nasional tuir kalendáriu, tanba Parlamentu atu hahú debate OJE. Nune’e nu’udar sidadaun, media, sosiadade sivil no movimentu sira tenke tau matan no klarifika buat ruma ho deputadu sira ho governu kona-ba dadus refere.”

Print Friendly, PDF & Email

LEAVE A REPLY

Please enter your comment!
Please enter your name here