Home Notisia Virgilio: AJTL Tenke Iha Prontidaun Reprezenta Jornalista Sira nia Interese, Defende Liberdade...

Virgilio: AJTL Tenke Iha Prontidaun Reprezenta Jornalista Sira nia Interese, Defende Liberdade Imprensa no Espresaun

272
0
Provedor Direitu Umanus no Justisa. [Foto: Umbelina | 28.01.2023]

Reportajen Umbelina dos Reis

Prezidente Konsellu Imprensa sesante no atuál Provedor Direitu Umanus e Justisa (PDHJ), Virgilio da Silva Guterres “Lamukan” liu husi konferénsia Asosiasaun Jornalista Timor Lorosa’e (AJTL), sesta-feira ne’e (27/01) hodi hili reprezentante jornalista foun, hodi kontinua nia mandatu iha Konsellu Imprensa ne’e, nia hatete AJTL tenke iha prontidaun atu reprezenta jornalista sira nia interese, no atu defende liberdade imprensa no liberdade espresaun.

Prezidente sesante Konselu Imprensa  agradese ba AJTL nia membru sira, ne’ebé bele organiza konferénsia ne’e hodi hili reprezentante AJTL foun, hodi ba tuur iha Konsellu Imprensa. “Ha’u mós akompaña debate sira antes ne’e, ha’u haksolok tanba AJTL bele organiza konferénsia ne’e hodi hili reprezentante jornalista di’ak ida hodi bele ba tuur fila-fali iha Konsellu Imprensa.”

Ha’u mós akompaña debate antes ne’e no haksolok tanba tinan 24 AJTL transforma ona sai espasu ba debate. Nia dehan uluk ema temi AJTL iha públiku ne’e, só temi Virgílio Guterres “Lamuka” ho Hugo Fernandes, maibé  ohin loron ha’u kontente tanba AJTL ema inklina aan iha laran lubuk ona, apresia tebes, ida ne’e mak ema dehan valores tranzmisaun de transparénsia.

“Nu’udar jornalista tenke hatoman an debate, tanba jornalista la’os aprende de’it atu ko’alia ba ema seluk, maibé jornalista mós presiza rona ema seluk nia ideia, la’os ita tuir de’it saída mak ita entende maibé ita mós enkoraja ema seluk nia hanoin,” dehan atual Prevedor PDHJ, iha konferénsia AJTL, ne’ebé hala’o iha Salaun Delta Nova, Sexta-feira, 27/01.

Nia hatutan,objetivu husi debate ne’e atu foti solusaun ikus ho pozitivu. AJTL sai prontidaun atu reprezenta jornalista sira nia interese tanba sai jornalista la’os sai polítiku.

Nia mensajen ba reprezentante jornalista se mak ba tuur iha Konsellu Imprensa, tenke defende liberdade imprensa no liberdade espresaun hodi bele sai responsabilidade ba jornalista Timoroan sira.

Print Friendly, PDF & Email

LEAVE A REPLY

Please enter your comment!
Please enter your name here