Home Notisia Sosa Karreta Ho Laptop Ba Membru PN, AMN: Hakonu De’it klase Elite...

Sosa Karreta Ho Laptop Ba Membru PN, AMN: Hakonu De’it klase Elite Balun nia Interese

632
0
AMN halo konferensia imprensa iha UNTL.[Foto: Joanina | 21.10.2022]

Reportajen Joanina Casamiro

Liuhusi konferénsia imprensa AMN deklara katak maske Konstituisaun RDTL rasik konsagra iha ninia artigu 6 ° katak, Estadu tenke halo distribuisaun justa ba soin Timór nian , atu nune’e , povu hotu- hotu bele senti moris ho dignidade no saudável .

” Ida ne’e , tuir ami  nia haree la akontese iha modelu foti desizaun ne’ebé impoin hosi leten ba kra’ik hodi ema hotu subordina . La iha demokrasia partisipativu , maibė iha mak demokrasia ba elite minoria , aliás ditadura das elites . Tinan ruanulu resin ona Timor – Leste independente , maibé povu maioria mak sei moris iha liña pobreza ne’ebé estremu, malnutrisaun, dezempregu, sistema saude ne’ebé la adekuadu no setor edukasaun ne’ebé la iha kualidade , Ida  ne’e rezultadu hosi dezenvolvimentu ekonomia – politika ne’ebé la’o hela iha Timor – Leste  iha ne’ebé despeza públika la fó benefisio ba povu maubere nia interese maibé ba hakonu de’it klase elite balun nia kán no nia interese .Dehan Portavos Gaspar ba Jornalista sira iha Kampus Sentrál, 21/10.

Nia dehan daudaun ne’e , iha loron 3 Outburu 2022 , Parlamentu Nasionál foti desizaun politika hodi integra planu sosa karreta pajero no laptop iha sira – nia orsamentu privativu tinan rihun rua , ruanulu resin tolu ( 2023 ) . Desizaun ida ne’e , tuir ami – nia haree , la reflete interese povo hotu – hotu nian . La’os foin mak akontese , maibé politika sosa no sa’e karreta luxu sai ona toman ida ukun ohin – loron nian .

“Desizaun ida ne’e hatudu situasaun ida ne’ebé ita – hotu tenke nota iha sorin  ida, eziste elite ne’ebé kaer poder hodi hakonu sira interese , no sorin  seluk, eziste povu ( traballador, ambulante, agrikultór, ki’ak  sidade , nsst ne’ebé moris terus, susar, subordinadu no marjinál iha sosiedade Timor – Leste . Ne’e hatudu katak elite ho povu maubere nia interese kontraditóriu, Elite hanehan povu maubere, desde uluk até agora. Liuhusi Estadu, elite sira akumula soin, enkuantu povu maubere asesu [ hadau ] de’it nia restu.

Portavos hatuir  ida – ne’e “ami nu’udar Aliansa Maubere Nasional – AMN , ne’ebé kompostu hosi organizasaun sosial no setor masa sira – seluk hanesan ambulante , ki’ak – sidade , agrikultór , traballadór , Ami nu’udar povu maubere hakarak afirma no ezije” 

“Ami, povu agrikultór , ambulante , kamponés , ki’ak – sidade , traballadór , estudante no joven reprezenta lian- laek sira seluk , rejeita totál desizaun Parlamentu Nasionál nian kona – ba sosa karreta pajero no laptop ba deputadu / a sira, Ami ejize atu Parlamentu Nasionál , liuhusi diskusaun plenária ba Orsamentu Jerál Estadu [ OJE ] , atu elimina planu sosa karreta – foun no laptop, husu ba Prezidente Repúblika atu tetu didi’ak OJE molok promulga , ami hanoin katak di’ak liu veta”, dehan Gaspar

Kuandu Parlamentu Nasionál la altera dotasaun orsamentál kona ba sosa karreta – foun no laptop,  Ami husu atu despeza Estadu nian tenke aloka barak ba setór estratéjiku sira ne’ebé fo benefisio ba interese povu maubere nian ; ami husu atu sosiedade , estudante sira no povu maubere hotu atu konsiente katak ita moris iha dominasaun foun [ neo – kolinializmu no neo – liberalizmu ] , iha ne’ebé elite sira supa no hariku – an liuhusi dalan legál ;ba movimentu hotu – hotu , setór sira hotu ne’ebé luta ba justisa , atu hamriik no hamosu asaun – masa ida hasoru ukun ditadura – osan nian , aliás ditadura elite nian .

Portavos Dehan  katak durante ne’e despeza públika só hakonu de’it elite sira nia a’án no interese , hanesan politika regulár sosa – karreta , direitu regalia no priviléjiu sira. Ba sosiedade tomak , ita presiza hanoin, tetu , krítiku , no nesesáriu hamosu asaun – masa hodi kontra injustisa iha ita – nia rai ida ne’e . Nune’e , Aliansa Maubere Nasionál sei eziste no reziste ohin , aban no ba futuru Viva povu maubere hatun ditadura  minoria  Harahun neo-kolonializmu.

Print Friendly, PDF & Email

LEAVE A REPLY

Please enter your comment!
Please enter your name here