Home Notisia PNTL Notifika Jornál Independent, AJTL: Labele Tenta Hamate Liberdade Imprensa, Sarito: Ami...

PNTL Notifika Jornál Independent, AJTL: Labele Tenta Hamate Liberdade Imprensa, Sarito: Ami Sei La Kumpre Karta Ne’e

766
0
ilustrusaun konaba liberdade imprensa iha risku nia laran. [Foto: Copyright google | 21.10.2022]

Reportajen Neon Metin

Relasiona ona ho jornál Independent ne’ebe hetan karta notifikasaun husi Polisia Nasional Timor-Leste (PNTL) ne’ebe hateten katak notifika ba Xefe Redasaun Jorgino dos Santos no jornalista Domingos Gomes atu ba aprezenta an iha Serbisu Investigasaun Kriminal Nasional (SIKN) iha loron 24 Outubro 2022, hodi submete ba prosesu identifikasaun, relasiona ho publikasaun iha loron 11 Outubru 2022, ho titlu notísia ho ezijénsia demite Gastaun, Komisariu Mateus: PNTL simu karta husi Vice MI haruka karta ba Komando PNTL atu demite Gastao.

Ba notifikasaun ida ne’e, Asosiasaun Jornalista Timor Lorosa’e (AJTL) husu ba PNTL atu komprende no respeita serbisu jornalista nian, no labele tenta kriminaliza serbisu jornalista nian, no labele limite liberdade imprensa no espresaun iha Timor-Leste.

“AJTL konsidera PNTL sedauk komprende diak Lei Komunikasaun Sosial, no serbisu jornalista nian, tanba media sai pillar importante iha nasaun demokrátiku, media nia serbisu halo kontrolu sosial nune’e la uza karta notifikasaun hirak ne’e, hodi fo ameasa ba situasaun liberdade imprensa. Sekarik PNTL sente notísia ne’e la los, bele uza Lei Komunikasaun Sosial nu. 5/2014 ne’e dehan utiliza direto de resposta e retifikasaun”, dehan Prezidente AJTL, 21/10.

Nia dehan Timor-Leste foin mak komemora no lansa loron nasionál liberdade imprensa iha Balibo, iha loron 16 Outubru, sedauk liu semana rua, maibé komesa media no jornalista balun hahú simu karta notifikasaun hosi órgaun seguransa, “ida ne’e la los, PNTL presiza komprende diak lei komunikasaun Sosial no prinsípiu jurnalismu”.

Nune’e AJTL husu jornalista sira hotu atu hamutuk fo solidariedade ba maluk jornalista ne’ebe moris iha risku nia laran, hodi kontinua hatudu lia los tuir kódigu étika no prinsípiu jurnalismua tanba Lia los la mate.

Entretanto Diretor Jornal Independent, Jose Sarito Amaral informa ba Neon Metin via telefone hateten Jornali Independente iha loron 21 Outubru simu karta notifikasaun husi PNTL, liuhusi SIKN, hodi notifika Xefe Redasaun no Jornalista jornál Independent nian, relasiona ho publikasaun ho titlu konaba Deskonfia Komando PNTL simu karta demisaun husi Vice Ministru Interior, Vice Ministru Justisa no Vice Ministru Obras Publika.

Nune Jornal Independent nia pozisaun katak sei la kumpre karta notifikasaun ne’e tanba konsidera karta ne’e “salah alamat”.

“Laiha razaun fundamentu ida no liga ba Lei Komunikasaun Sosial, artigu 5/2014 katak se mak sente sai vítima ba publikasaun ne’e no sente ofendidu, ami fo espasu hodi fo nia direitu ba resposta ka retifikasaun, maibé to loron ohin ami la hetan resposta ida maibé simu deit karta notifikasaun, ida ne’e ami konsidera katak PNTL no SIKN kriminaliza ona obra jurnalistiku nian. Ami lamenta no foti desizaun katak ami sei la kumpre karta notitifikasaun ne’e”, dehan Sarito via telefone.

Sarito dehan hakere klaru iha Konstituisaun RDTL iha artigu 40 no 41 katak fo liberdade espresaun no imprensa ba públiku, tanba ne’e mak jornalista iha direitu tomak atu tranzmite informasaun tomak ba públiku, katak públiku iha direitu atu asesu informasaun. Nune’e ba karta ne’e ekipa jornál Independent konsidera sira tenta hamate liberdade imprensa no espresaun.

Husi kazu ne’e AJTL kontinua luta ba liberdade imprensa no espresaun tuir prinsípiu ne’ebe AJTL iha ona, hahú husi harii AJTL to’o ohin loron.

Print Friendly, PDF & Email

LEAVE A REPLY

Please enter your comment!
Please enter your name here