Reportajen Joselina dos Santos
Governu Xina liu husi grupu GX Foundation servisu hamutuk ho Governu Timor-Leste no parseiru sira seluk, ohin bele lansa “Projetu Pilot ba Protesaun Saúde Hasoru Moras Denge iha Timor-Leste”. Objetivu husi lansamentu ne’e atu ajuda kombate moras denge no halo diagnóstiku sedu, prevensaun no protesaun ba edukasaun saúde nomos iha komunidade lokál sira.
Hafoin Seremónia, Prezidente Fundasaun GX, Leung Chun Ying, agradese ba Governu Timor-Leste no parseiru sira seluk tanba sira-nia apoiu bele lansa “projetu Pilot ba protesaun saúde hasoru moras denge iha Timor-Leste”. Projetu ida-ne’e marka inísiu signifikativu ida husi parseria ida-ne’ebé forte ba saúde publika.
“Ema barak iha mundu tomak hanoin kona-ba moras denge, Súdeste Aziatiku mak rejiaun ida-ne’ebé vulneravel. Ho asisténsia husi Ministeriu Saude Timor-Leste, sei fahe ekipamentu no fornesimentu tonelada 10 inklui kilograma teste lalais 50,000, rede kama 500, ahi-oan mosquito 2,600 no surat-tahan aviaun 30,000 ba instalasaun médiku 360 inklui ospitál hotu-hotu”, dehan, Prezidente GX iha Salaun Palacio dos Cinzas, Caicoli Tersa 23/01.
Iha fatin hanesan, Vise-Ministru Saude Jóse dos Reis Magno, agradese ba Governu China tanba fó oportunidade diak ba MS hodi hetan apoiu ekipamentu ekipamentu Material sira oinsa atu bele Konbate hasoru moras Denge iha laran. Tanba moras denge iha tinan 2023 detekta hamutuk 1953 kazus no tinan ida ne’e moras denge iha 49 kazus, maibe laiha ema ida mak hetan problema.
“Ita hetan tan apoiu ekipamentu kombaterial ne’ebé ohin Fundasaun GX fó ne’e atu kura moras ne’e iha ita nia rain, tanba ita hatene agora ne’e tempu udan entaun kazu ne’e aumenta beibeik. Nune’e espera ho ekipamentu sira ne’e ita sei distribui ba fasilidade saúde hotu-hotu iha timor laran atu nune’e bele implementa”, nia salenta.
Moras denge eziste iha Município Díli Mak aas liu tuir fali Município sira seluk, tanba ne’e agora utiliza oinsa atu bele hasae komunidade nia moras. Prevene agora ne’e duni husu ba komunidade tomak moras ida ne’e labele hein kuandu moras ne’e afetadu liu, maibe da Centro Saude ne’ebe m besik atu bele hetan atendimentu lalais.
