Home EduTek Estudante UNTL Fakuldade Ekonomia Realiza Seminariu Juventude Iha Vida Organizasaun

Estudante UNTL Fakuldade Ekonomia Realiza Seminariu Juventude Iha Vida Organizasaun

317
0
Estudante hosi Universidade Timor Lororsa’e (UNTL), Fakuldade Ekonomia no Jestaun semester 6-8. [Foto: Henrique S. De Jesus | 20.11.2020]

Reportazen Henrique S. De Jesus

 Estudante  hosi Universidade Timor Lororsa’e (UNTL), Fakuldade Ekonomia no Jestaun semester 6-8 , liu hosi programa materia organizasional organiza seminariu ho tema “Hasa’e kapasidade no Mentalidade Juventude iha vida organizasaun, hodi sai rekursu ne’ebe efetivu ba dezenvolvimentu nasional”.

Vice Koordenador Timorese Youths Initiative for Development (TYIFD) ne’ebe sai orador iha seminariu refere hateten oportunidade ba foinsa’e sira aprende, tamba dalabarak estudante sira aprende liu ba teoria no tekniku sira, maibe ladauk aprende kona ba implementasaun hodi labele difikulta sira iha futuru bainhira serbisu.

“Ita tun ba iha baze, situasaun saida mak ita  hasoru ne’e ita seidauk aprende iha ne’eba, entaun  ho atividade refere  bele ajuda tebes maluk joven sira, atu bele hatene ona saida mak sira sei hetan ka hasoru wainhira sira serbisu iha organizasaun ruma no problema saida mak sira sei hasoru no hatene tiha kedas ona”, dehan Dircia, iha salaun Centro Nasional Chega! , 20/11.

Entertantu estudante Luis Maria Ximines Freitas hateten seminariu ne’e hanesan atividade nasional ida husi atividade ne’e bele hakbi’it no fo motivasaun pozitivu ba estudante sira nia koñesementu iha vida organizasional.

Luis hatutan foinsa’e sira presiza partisipa iha atividade extra sira, hodi bele kapasita-an no hasae koñesimentu hodi fortifika kapasidade no abilidade indivual iha fatin serbisu bainhira termina estudu Iha Seminariu ne’ebe hala’o iha salaun CNC Balide, hetan partisipasaun husi Vise pro-reitor asuntu estudantil, Dosente sira husi Fakuldade Ekonomia no  Gestaun no estudante sira

LEAVE A REPLY

Please enter your comment!
Please enter your name here