Home Notisia Oxfam ho La’o Hamutuk Fasilita Treinamentu, Analiza Alokasaun OJE 2022 Ba Koligasaun...

Oxfam ho La’o Hamutuk Fasilita Treinamentu, Analiza Alokasaun OJE 2022 Ba Koligasaun Agrikultura

246
0
Strategy Engagement Lead Oxfam, Adilsonio da Costa. [Foto: Umbe | 21.12.2021]

Reportajen Umbelina dos Reis

Oxfam Timor-Leste serbisu hamutuk ho La’o Hamutuk hodi fasilita formasaun ba juventude sira ,hosi organizasaun sosiedade sivíl hanesan  PERMATIL, Alumni Parlamentu Foinsa’e Timor-Leste (APFTL), Media Online Neon Metin, Asosiasaun Jornalista Timor Lorosa’e (AJTL), Ra’es Hadomi Timor Oan (RHTO), Mata Dalan Institutu no Rede ba Rai (RbR) konabá oinsá analiza alokasaun Orsamentu Jeral Estadu (OJE) 2022 ba setor hotu iha baze.

Strategy Engagement Lead Oxfam, Adilsonio da Costa hatete análiza ka lala’ok alokasaun OJE presiza tuir nia alinea, planu asaun nasionál ba ema ho defisiénsia ho direitu defisiénsia rasik, atu haforsa advokasia ba investimentu ida ne’ebé sensivel no sustentável.

Adilsonio hateten, formasaun ne’e parte ida hosi servisu koligasaun agrikultura nian, hodi haforsa liu tan rede koligasaun no kapasita membru hodi hatene kle’an liu konabá OJE.

“Objetivu hosi Oxfam ho La’o Hamutuk realiza formasaun ba organizasaun sosiedade sivíl, grupu joven agrikultura, ema defisiénsia ne’ebé envolve iha koligasaun agrikultura, liu-liu ati hatene oinsá OJE ne’ebé aloka ba setor produtivu inklui mos aloka ba inklusaun sosial, ema ho defisiénsia no servisu báziku sira”, hateten Adilson.

Nia dehan desde inisia proposta orsamentu ne’e diskute hahú serbisu ho lobby, hakerek submisaun fahe ba Parlamentu Nasionál no deputadu sira, organizasaun media briefing, TV Talk Show, hodi halo advokasia katak governu presiza investe iha setor agrikultura liuhusi OJE 2022.

Nia dehan iha Janeiru 2022, sei halo deklarasaun konjuta ba Prezidente Republika, konaba koligasaun agrikultura nia hanoin liga ho OJE 2022, ne’ebe aprova iha Parlamentu Nasional, no Koligasaun Agrikultura husu ba Prezidente Republika, atu konsidera didiak molok promulga OJE 2022

Nia enkoraja nafatin grupu joven sira ne’ebé envolve iha setor agrikultura, inklui mós organizasaun sosiedade sivíl sira, ba oin númeru hosi partisipante sira aumenta tan, hodi kontinua hatutan informasaun ne’ebe mak Oxfam ho La’o Hamutuk sei kolabora hamutuk ba oin

Programa ne’e realiza liuhusi projetu HADALAN, ne’ebe hetan apoiu finanseiru husi governu Australia

Print Friendly, PDF & Email

LEAVE A REPLY

Please enter your comment!
Please enter your name here