Reportajen Umbelina dos Reis
Konsellu Imprensa Timor-Leste organiza Dialogue Forum 2021, iha abertura ne’e Prezidente Konsellu Imprensa Timor-Leste, Virgilio da Guterres ‘Lamukan’ iha abertura nia dehan era dijitalizasaun sai kontestu sósiu politika kultural, tenke sai sujeitu ba dezenvolvimentu
Prezidente Virgílio hatete filozofia bázika hosi komunikasaun sosial ne’e mak atu kontra injustisa sosial, atu sai lian ema sira ne’ebé lian laek sira tenki maka’as. Entaun espetu ba injustisa sosiál mak sira ne’ebé halo ita fahe malu hela de’it.
Nia hatutan, dala ruma lee artigu balun sira ema hatete atu inan-aman sira ne’ebé fó android ba nia oan sira, ne’e hanesan krime, ikus tanba pandemia Covid, eskola online hotu, eskola sira haruka inan-aman sira fasilita oan sira ho telefone, iPed atu sira bele tuir aula.
“Ikus mai bandu ne’e la’os métodu ona, probe ema atu uza ne’e la’os ona, maibé edukasaun, oinsá ema iha kapasidade atu utiliza meius ne’ebé ke nia iha ba dezenvolvimentu nia aan, ne’e parte ida hosi literária dijitál ho literária média, ida ne’e kontinua la’o”, hatete Prezidente Virgílio durante Forum Diálogu Dili, loron dahuluk iha Salaun Delta Nova, 02/11.
Nia hatutan iha era dijitalizasaun, CI kontinua halo promosaun atu nune’e ita nia sosiedade mos prontu atu tama iha área ida ne’e, atu sira mos hatene atu utiliza meiu komunikasaun tuir nia dalan no loloos.
