Reportajen David da Costa
Tuir dados husi Husi Hospital Nasional Guido Valadares (HNGV), registu pasiente moras dengue hamutuk 699, husi ne’e pasiente moras dengue na’in-10 maka lakon vida ona, na’in-119 maka grave hela iha HNGV, na’in-45 maka moras kaman iha fiel hospital Tasi Tolu no pasiente dengue ne’ebe sei ativu baixa hamutuk 164.
Diretor Ezekutivu Hospital Nasional Guido Valadares DE-HNGV), Nuno Vital, hatete, daudaun ne’e pasiente dengue sei baixa iha HNGV ho ospitál tasi tolu maka iha, maibé iha ospitál Lahane ne’e pasiente dengue la baixa iha ne’ebá ona, ne’ebe iha ne’ebá ne’e pasiente ho moras baibain de’it.
kazu moras dengue hahú husi fulan Janeiru to’o mai iha loron 18 Fevereiru tinan 2026, iha HNGV ne’ebe maka balun lakon vida ona ne’e hamutuk 699, atualmente baixa hela ne’e hamutuk na’in-164, alta ona ne’e na’in-525 no ema na’in-10 maka lakon vida.
Tanba ne’e, pasiente moras dengue sira ne’eb’e maka moras kaman ka moderadu ne’e tau iha fiel hospital tasi tolu, pasiente iha ne’ebá ne’e na’in-45 no pasiente dengue na’in-119 ne’ebe grave maka iha Hospital Nasional Guido Valadares.
“Tuir dadus pasiente sira ne’ebé daudaun ne’e baixa iha HNGV 164, husi Janeiru to’o fulan Fevereiru tinan ne’e pasiente dengue na’in 10 mak lakon ona vida. Iha tasi tolu pasiente baixa hamutuk 45, sira ne’e ho kazu ne’ebé kaman, moderadu ho grave sira baixa iha HNGV,” dehan Diretor Ezekutivu Hospital Nasional Guido Valadares DE-HNGV), Nuno Vital, ba jornalista sira iha HNGV, Kuarta 18/02.
Iha fatin hanesan Prezidente Repúblika (PR) José Ramos-Horta mos hateten, haree didi’ak moras dengue tinan ida ne’e menus duké tinan kotuk liu ba, mate mós menus tinan kotuk liu ba. Tanba ne’eDengue redus kompara ho tinan kotuk, moras nian, no mate nian, mais sei aas.
“Inan-aman sira ida mak ne’e doutor sira hatete, dala barak ha’u rasik ko’alia dala barak tiha ona, kuidadu ho bee dodok, ne’e foer haleu uma, labele tau bee iha jerkin ka bidon iha uma laran la taka. Se bee iha uma laran tenke taka metin tiha, tanba susuk dengue ne’e nia buka mak bee moos, mais bee foer ne’e susuk seluk iha maibé iha mós bakteria oi-oin,” nia dehan.
Tanba ne’e Inan-aman sira favór haree hamoos didi’ak uma laran, depois governu mós halo strein ne’e bele kombate, mais haree iha uma kotuk, uma oin foer lixu oi-oin ne’ebe favór ida hamoos tiha, atu nune’e labele hamosu moras ba labarik sira.
Alende ne’e mos Xefe estadu mos vizita labarik pasiente sira moras dengue ne’ebé baixa iha Hospitál Nasionál Guidu Valadares (HNGV), no fahe mos bee, afiuan, sumu guavas ba pasiente moras dengue sira tanba ida ne’e di’ak ba pasiente dengue.
“Ha’u rasik telefone ba Aqua Leste sira fó gratuita, telefone mós ba bee Gota, sira seidauk kontaktu Nilton Gusmão nune’e oferese, maibé mós ho aifuan, sumu guavas ne’e sira hatete di’ak loos ba dengue,” dehan Xefe Estadu.
