Home Notisia Eleisaun Segunda Ronde La’o Di’ak, CNE Hahú Aban Halo Apuramentu Nasionál

Eleisaun Segunda Ronde La’o Di’ak, CNE Hahú Aban Halo Apuramentu Nasionál

142
0
CNE halo konferensia imprensa. [Foto: David | 21.04.2022]

Reportajen David da Costa Gusmao

Prezidente Komisaun Nasional Elisoens (CNE), José Agustinho Belo informa iha eleisaun segunda ronde ne’e la’o diak, maske iha problema ki’ik ne’ebé akontese iha sentru votasaun, maibe CNE liuhosi  komisariu sira halo kedas atuasaun hamutuk ho STAE no administador postu hodi trasa hotu.

“Iha sentru votasaun prosesu la’o di’ak, iha fatin balun maka ita sente dehan tanba deskluidu ita nia brigada sira katak karimbu ne’ebé sira tau ne’e laos 2022 nian maibe karimbu balun 2018, ho ida ne’e CNE liuhosi  komisariu sira halo kedas atuasaun hamutuk ho STAE no daminstador postu sira ita trasa hotu kedas,” dehan Prezidente CNE Jose Belo, liuhosi Komperensia Imprensa iha Sentru Media CNE, Kinta 21/04.

Nune mós iha Baguia iha duni boletín balun ne’ebe maka foer, maibe iha votasaun ne’e isklui kedas, no troka kedas boletín votus ne’e ho boletín votus ne’ebé rezervadu ba eleisaun prezidensiál nian.

Prosesu eleisaun segunda ronde ne’e lao diak, rezultadu sira ne’ebé iha akta inisiál fiskais hot-hotu simu, iha reklamasaun balun konaba boletín, maibe nia numeru ne’e kiikoan, depois sira transporta husi sentru votasaun mai to’o iha Munisipiu no halo konsilasaun ba akta sira ne’e

“Rezultadu lais liu tanba ita nia kandidatu nain rua deit, ohin urnas sira ne’e kuaze tama hotu ona, hela deit maka Munisipiu Covalima mais iha dalan ona no  husi estranjeiru pasti to’o iha loron ida ka rua,” nia esplika.

Prezidente CNE ne’e salienta iha tempu legal ba CNE iha 72 oras, hodi halo apuramentu nasional no verifikasaun votu nulu ne’ebé iha, depois CNE halo deliberasaun konaba akta rezultadu ninia.

“Komesa aban dadeer ita halo ona apuramentu nasional, ita iha tempu 72 oras para halo verifikasaun votu nulu ne’ebé iha, kontajen husi rezultadu ne’ebe iha, numerikamente ita haree hela, atu nune verifika didiak”, dehan Prezidente CNE

Alende ne’e mós Prezidente CNE dehan, iha tan tempu 24 oras para kandidatu sira halo rekursu ruma, CNE fó 24 oras ba sira, depois liu tiha 24 oras maka laiha rekursu, CNE submete rezultadu ne’e ba iha Tribunal Rekursu para halo validasaun.

Print Friendly, PDF & Email

LEAVE A REPLY

Please enter your comment!
Please enter your name here