Reportajen Ray Vieira
Laureadu Nobel da Paz, Dr. José Ramos Horta partisipa iha Dili Dialogu Forum 2021, ne’ebe organiza husi Konsellu Imprensa Timor-Leste.
Liuhusi nia diskursu, Dr. Jose Ramos Horta espresa nia hanoin relasiona ho re-alokasaun ba grupu artisita sira iha Arte Moris, hodi muda ba fatin seluk.
Dr. Jose Ramos Horta hateten uma barak mak abandonadu ne’ebe pertensia ba estadu, ne’ebe la prontu atu fo aluga, tanba sa governu gasta osan lubuk ba Dubai.
“Konta deit viajen deit foin lalais hala’o Outubru pelumenus minimu $500 mill, tanba ne’e sira halo kontinuasaun dialogu para hetan solusaun. Governu la presija halo nune’e”, dehan Horta iha salaun Delta Nove, 02/12.
Nia dehan eviksaun ne’ebe akontese ba fatin Arte Moris, no sasán sira ne’ebe soe hamutuk, ne’e hatudu aktu krime kontra arte, sira ne’e kiak, minimal tinan 20 besik ona fatin ne’ebe podia governu tau osan, hodi hadia fatin ne’e ba sira, maibe derrepente deit soe sai ema nia produsaun artístiku.
Horta dehan bele oferese fatin iha Metiaut hodi Arte Moris sira bele rai sira nia sasán temporáriu, maibe sira hetan ona fatin husi arsebispu, no salaun parokiál no Xanana Reading Room. Eiz Prezidente Republika ne’e husu ba governu atu buka lalais fatin foun ida ba grupu Arte Moris
