Reportazen David da Costa Gusmao
Sekretariu Estadu Formasaun Profisonal no Empregu (SEFOPE) sei haruka trabaillador timoroan 800 pessoas ba servisu iha Australia, maibe dalan mak seidauk iha para sira ba servisu tanba airoportu sei taka hotu.
Sekretariu Estadu Formasaun Profisonal (SEFOPE), Alarico dos Rosario hateten SEFOPE nia servisu mak atu fo formasaun no fo servisu ba ema hotu, nune’e ema bele hadia nia moris atu bele sai diak liu.
Sekretariu Estad Formasaun Profesional, Alarico dos Rosario hateten oportunidade ne’ebe mak jovens sira ohin loron la bele hetan servisu, tanba iha problema ida ne’ebe ema hotu infrenta moras pamdemia Covid-19 ne’ebe taka tia dalan ba ema hotu, atu labele ba servisu iha rai liur.
“Ita nia timoroan sira atu ba asesu servisu iha rai liur hanesan Australia, Korea, ne’e ami prepara ona maibe situasaun moras pandemia COVID-19, ba servisu iha rai liur ne’e mos parado tia”, informa nia bainhira remata enkontru ho Ministera Soslidaridade Sosial no Inkluzaun iha fatin MSSI kaikoli, Kinta-feira 13/08.
Nia dehan ema ne’ebe SEFOPE prepara atu ba servisu iha rai liur prontu ona atu haruka ba servisu iha rai liur hamutuk ma nain 800 maibe dalan mak sei dauk iha para sira ba.
Nia subliña tan ba Korea iha ema nain 37 no sosa ona tiket aviaun nian, maibe aviaun mak laiha atu ba.
SEFOPE husu ba juventude no sidadaun iha Timor laran tomak hodi pasensia tanba situasaun mak la premite.
“Se kunadu moras ne’e hotu, papel SEFOPE nia servisu mak trata imi hotu hanesan atu bele hetan servisu iha rai liur hanesan ho imi nia maluk sira seluk ne’ebe hetan ona”, hateten nia.
