Home Notisia Kazu Krime Oho Izac Iha Elemloi, PM Taur Garante Sei Kaer Suspeitu...

Kazu Krime Oho Izac Iha Elemloi, PM Taur Garante Sei Kaer Suspeitu Iha Tempu Badak

412
0
Primeiru Ministru Taur iha palacio prezidensia. [Foto: David | 12.01.2023]

Reportajen David da Costa

Kazu omesidiu agravadu ne’ebé maka akontese iha Elemloi, iha madruga loron 6 Janeiru hodi hakotu joven ida naran Izac Sinarai nia vida, ba kazu ne’e hafoin Primeiru Ministru (PM), Taur Matan Ruak no nu’udar mós Ministru Interiór (MI) depois de hasoru malu ho Prezidente Republika, Dr. Ramos Horta, nia hateten ba jornalista sira katak governu garante iha loron ida ka rua nia laran, sei kaer suspeitu

Taur hateten nia preokupa los ho akontesimentu sira ikus ne’e, maibé governu em jerál, liu-liu Ministeriu Interior (MI) no partikulár Polisia Nasionál Timor-Leste (PNTL) servisu makaas los hodi buka tuir kriminozu no autór sira.

“Informasaun diak, ida sona ita nia joven sira iha Ponte BJ Habibie kaer ona, ita buka hela ida ne’ebé sona ita nia joven iha Elemloi, i hau garante katak loron ida rua tan sei kaer nia,” Nia informa ba Jornalista sira Bainhira ramata enkontru ho Prezidente Republika José Ramos-Horta, iha Palásiu Prezidente Bairo-Pite, Kinta 12/01.

Xefe Governu ne’e hanoin tanba  iha kondisaun buka identifika no kaer ema kriminozu sira, no responsabiliza ba sira nia aktus ne’e.

“Tanba ema nia vida so Maromak bele hasai, ita ema laiha direitu, laiha razaun, problema saida ida deit hasai ita nia maluk ida nia Vida. Sei ita la gosta ema seluk halo ba ita, ita mos la bele halo ba sira no ba ema seluk,” nia dehan.

Alende ne’e  Xefe Governu informa tan katak, Kona-ba CCTV ne’ebé tau iha fatin públiku at , no hanoin tenke halo esforsu hodi hadia sira ne’ebé at.

Taur enkoraza komersiante, negosiante no sidadaun sira seluk atu ita ida-idak iha CCTV, iha ita nia fatin ne’e bele ajuda bainhira iha kazu ruma nebe akontese iha fatin públiku sira

Print Friendly, PDF & Email

LEAVE A REPLY

Please enter your comment!
Please enter your name here