Home Notisia Kampaña MLPM iha Ermera: Hadi’a Estrada Rural Hodi Fasilita Agrikultór Asesu ba...

Kampaña MLPM iha Ermera: Hadi’a Estrada Rural Hodi Fasilita Agrikultór Asesu ba Merkadu

156
0
Bandeira MLPM. [Foto: Dokumentu partidu | 22.04.2023]

Reportajen Adroado “Saretukau”

Partidu Movimentu Libertasaun ba Povu Maubere (MLPM) ho númeru sorteiu 14, hala’o kampaña ho tipu diálogu hodi ko’alia ho povu Manusae, Postu Hatulia A, atu hadi’a infraestrutura estrada hodi fasilita povu agrikultor asesu merkadu iha kapital munisípiu no ba Dili.

Membru Komité MLPM Edi de Jesus Martins hatete, MLPM nia foku ida mak atu garante povu agrikultor fa’an sira nia produtu iha merkadu, nune’e presiza tebes hadi’a estrada rural.

“Foka ba estrada ne’ebé mak husi nasional mai munisípiu Ermera, mai to’o Postu Administrativu Hatulia. Infrastrutura, ita haree estrada ne’e aat tebe-tebes, i oinsá povu ne’ebé iha baze ka área rural, produs sira nia produtu lokal, atu asesu ba mini merkadu hanesan Gleno sira ne’e, ba Dili tanba estrada iha ne’e ladun favorável,” dehan Membru Komité MLPM, Edi, iha kampaña eleitoral ne’ebé hala’o iha Postu Hatulia A, Ermera, Domingu, 23/04, ne’ebe Neon Metin akompaña husi live streaming RTTL

Entretantu Prezidente juventude MLPM, Elvis Marçal hatete, husi Suku Manusae MLPM garante, tanba vota haree ba programa la’os ba figura no istória. Nune’e povu Maubere ne’e labele dukur labele matan aat nafatin. “Entaun husi MLPM ne’e rasik, ni-nia ideolojia ne’e mak atu defende povu ida Maubere.”

Print Friendly, PDF & Email

LEAVE A REPLY

Please enter your comment!
Please enter your name here