Reportazen David da Costa Gusmao
Ministeru Ensinu Superior Siensia no Kultura (MESSK) husu ba estudante Asosiasaun Universitariu Timor-Leste (AUTL) atu selu propinas ba semeter par (genap) ba tinan akademika 2020, tanba estudante nia dever atu estuda, selu propinas no diretu hetan siensia ne’ebe kualidade no efektivu.
Ministeru Ensinu superior sensia e kultura (MESSK), Longinhos dos Santos hateten estudante sira iha diretu no dever atu estuda, selu propinas no hetan siensia ne’ebe mak iha kualidade.
“Husu ba hau nia alin estudante sira iha AUTL katak diak liu alin sira kumpri dever no diretu estudante sira nian, dever estudante atu estuda , selu propinas no diretu hetan siensia ne’ebe kualidade, efektivu durante iha sira nia prosesu estudu”, governate ne’e informa iha salaum MESSK Colmera, 11/09.
Nia esplika estudante sira ne’ebe atu haree ba iha propinas ne’e iha buat rua, ida propinas ne’ebe mak atu haree ba iha ensinu superior publiku, ne’e lei preve, liu-liu iha estatutu UNTL ninian katak governu iha kompetesia atu identifika propinas tuir rekezitus ne’ebe iha, maibe ba fali iha ensinu superior privado sira, governu laiha kompetensia atu defini valor ida ne’e, maibe governu fizkaliza deit.
Governate ne’e mos hateten sobre dekretu lei ne’ebe mak produs husi Ministeriu Negosiu Estrangeru no Kooperasaun (MNEK), atu trata asuntu liu-liu ba timoroan sira laos ba estudante sira. Derkretu lei numero 21/2020 ne’e trata asuntu ba timoroan sira ne’ebe hela temporaria iha rai liur no sira nia rendimentu ne’e depedensia tebes mai iha Timor-Leste.
“Portantu iha rai liur iha estudante timoroan, entaun ami tenke halo tratamentu ne’ebe hanesan nu’udar timoroan, ita hotu hatene katak governo fo ona subsidiu kada uma kain hetan $200,00 ne’e hanesan meius ida, hodi tulun timoroan sira”, tenik nia.
Nia subliña tuir pesikza Ministeriu Solifsriedade Sosial no Inkluzaun (MSSI) katak iha 45% husu subsidiu ne’ebe halo ka ba sidadaun timoroan sira, 45% ne’e mos hetan benefisiu husi edukasaun siginifika katak husi 45% ne’e hetan mos benefisiu husi estudante sira.
Nia dehan tanba sa mak govenu tenke fo subsidiu ba timoroan iha rai liur? iha objetivo prinsipal mak atu evita timoroan iha rai liur fila mai Timor, atu nune’e labele lori moras COVID-19, mai hadaet iha Timor-Leste.
