Home Notisia Abilio: Deskonfia Ai-Han Cesta Basika Lanu Ema Nain-3, Ne’e La Loos, AIFAESA...

Abilio: Deskonfia Ai-Han Cesta Basika Lanu Ema Nain-3, Ne’e La Loos, AIFAESA Fó Sai Rezultadu Teste,

510
0
Koordenador AIFAESA, Abilio Sereno (tur iha klaran) esplika kona aihan CB lanu ema (Foto: Giza)

Reportazen David da C. Gusmão

Kordenador Autoridade Inspesaun no Fiskalizasaun Atividade Ekonomika Sanitaria no Alimentar (ALFAESA, I.P), Abilio de Oliveira Sereno, esklarese ai-han Cesta Bazika ne’ebe mak fronese husi empreza Leader Hypermarket ne’ebe diskonfia lanu sidadun nain-3 iha loron 12/01/2021 ne’e la loos. Rezultadu laboratoriu fó sai katak naan fahi ho naan karau laiha kontaminasaun ka perigu ba ema.

“Ai-han ne’ebe deskonfia kontaminasaun no lanu (envenadu) sidadun nain tolu ne’e la loos. Bainhira sira simu tia naan fahi no karau iha loja, sira laos han kedas maibe sira lori ba uma tein ho produtu seluk mak foin sira han”, dehan Koredenador AIFAESA, I.P ba jornalista sira iha Salaun AIFAESA, Matadoru, 5/02.

Koordenador AIFAESA konta tuir dehan sidadaun nain tolu ne’ebe han ai-han Cesta Basika hanesan naan fahi no naan karau, ne’e mak halo sira moras hodi ba halo tratamentu iha klinika  Komoro. AIFAESA lori kedas amostra produtu Cesta Bazika ba teste iha laboratriu.

“Ekipa halo koileta kedas amostra ba produtu ne’ebe deskonfia kontaminadu hanesan naan fahi ho karau hodi submete ba iha Laboratoriu Nasional da Saude  hodi halo analiza. Rezultadu sai iha loron 29 janeiru 2021 revela  amostra naan fahi ho karau ne’e la iha kontaminasaun ho subtansia perigosu ne’ebe mak implikasaun ba ema nia saude”, Abilio esplika liutan.

Abilio mos hatete katak bainhira akontese duni hahan lanu ema ne’e konsidera krimi no sei haree tuir  kódigu penál iha Artigu 214 hateten ne’e koalia kona ba produtu sira mak konsidera produtu adulteradu. Bainhira akontese krimi orgaun kompetente ne’ebe halo asuntu krimi nian mak sei haree situasaun ne’e.

Print Friendly, PDF & Email

LEAVE A REPLY

Please enter your comment!
Please enter your name here