Home Notisia COVID-19, PR Husu Governu Asegura Fronteira Tanba Ema Tama Sai Ilegal

COVID-19, PR Husu Governu Asegura Fronteira Tanba Ema Tama Sai Ilegal

325
0
Prezidente Lu Olo enkontru ho Primeiru Ministru no membru governu. [Foto: Santina Lucia da Costa | 10.09.2020]

Reportazen Santina Lucia da Costa

Relasiona ho ema tama sai ilegal liu hosi fronteira terestre, Prezidente Republika, Dr.Francisco Guterres Lu-Olo konvida Governu hodi koalia kona-ba asuntu fronteira nian, hodi hare konaba ema ne’ebe tamas ai illegal relasaun ho COVID-19, hodi nune’e governu bele hola medidas tuir seguransa fronteira

Prezidente Republika konvida Primeiru Ministru, Taur Matan Ruak, akompaña ho Vise-Primeiru Ministru no Ministru Planu no Ordenamentu, Jose Maria dos Reis, Ministru Defeza, Filomeno da Paixão de Jesus, no Ministra Negosiu Estranjeiru no Kooperasaun, Adaljiza Magno.

Ba jornalista sira Xefe Casa Sivil, Francisco Maria de Vasconselhos hateten Prezidente Republika konvida Primeiru Ministru, Ministru Defeza, Vise Primeiru Ministru ho Ministru Negosiu Estranjeirus no Kooperasaun, koalia barak liu kona-ba asuntu fronteira, ne’ebe maka tama sai ilegal barak liu, iha relasaun ho Covid—19, tanba ne’e mak Prezidente Republika ho governu sira, hare oinsa mak prevene tama sai ilegal ne’e, para labele lori impaktu transmisaun Covid-19 iha ita nia sosiedade.

Xefe Casa Sivil haktuir sira ne’ebe mai husi dalan ilegal, dalaruma bele lori moras iha sira nia isin, tanba ne’e mak Prezidente Republika preokupa ho situasaun ne’e no tau atensaun para ita bele prevene moras ne’e.

Xefe Casa Sivil akresenta governu tenki tau matan, asegura ita nia fronteira para ema sira ne’ebe tama sai, ne’ebe mak apainha tenki buka tuir, para sira tama iha kuarentena, para evita labele halo transmisaun ba komunidade sira.

“Governu fila ba diskute medidas ne’ebe mak atu foti tuir seguransa iha fronteira nian, governu hola medidas tuir buat ne’ebe mak Prezidente Republika dekreta iha Estadu Emerjensia, atu nune’e bele impoin regras ba ita nia sidadaun rasik, tanba se ita tolera ida ka rua, bele lori impaktu boot ba ita nia sosiedade tomak, liuliu sira iha fronteira ne’eba”, hateten, Francisco Maria de Vasconselhos.

Entretantu Prezidente Republika preokupa mos ba Arte Marsiais sira ne’ebe mak ba hasae sira nia fita, sira tama sai ilegal hanesan ne’e nafatin, difisil atu kontrola, tanba ne’e Xefe Estadu husu ba governu tau medidas ne’ebe mak rigor, atu prevene transmisaun COVID-19 ba komunidade.

“Prezidente hatene tanba foin dadaun Prezidente Republika Preokupa ida espesifiku maka iha Arte Marsiais sira ba hasae sabuk, se tama sai ilegal hanesan ne’e difisil ita atu kontrola, entaun tenki hola medidas ne’ebe mak forte atu prevene, liuliu ba transmisaun moras COVID-19 nian”, dehan Xefe Casa Sivil.

Print Friendly, PDF & Email

LEAVE A REPLY

Please enter your comment!
Please enter your name here