Home Notisia 1 Maiu Loron Traballador, Arao: Tinan 10 Ona Razaun Forte Hasae Salario...

1 Maiu Loron Traballador, Arao: Tinan 10 Ona Razaun Forte Hasae Salario Traballador nian

531
0
ilustrasaun May day. [Foto: copyright BankExams | 29.04.2021]

Reportazen Francisco JDA

Relasiona ho loron mundiál ba trabalhador ne’ebé sei akontese iha 1 Maiu, trabalahdor sira kontinua iha preokupasaun ba salariu minimu ho montante $115, ne’ebé kompara ho dezenvolvimentu nasaun ne’ebé mak la’o ho nesesidade ekonómika ne’ebé iha, hein katak governu bele halo ona estudu oinsá mak bele ajusta ona salariu minimu bele hasae to’o $130 ka to’o 150 kada fulan ba trabalhador sira.

Tuir Deputadu Bankada CNRT, Arao Noe de Jesus ba jornalista sira hateten, bainhira hahú primeira legislatura trabalahdor nia salariu ho $80, nune’e iha IV legislatura hasae ba $115, nune’e iha tinan 10 ona iha razaun forte atu bele hasae ona salariu minimu ba trabalhador sira.

“Ha’u kalkulu ekonomia nian, se iha salariu hasae ba  $ 130 ka $150 mas ita labele hanoin katak, hakarak hasae to’o maximu maibé tenki hare mós impaktu ba iha merkadu, liuliu ba trabalhadores, tanba kompania sira ne’ebé kapitál la sufisiente nia bele la selu trabalhador tanba nia osan la to’o, tanba ne’e hasae salariu ne’e la’ós tanba gosta, mas tenki mós ekilibrio ho ita nia ekonomia rai laran, para labele prejudika fali empregador sira, entaun tenki iha estudu no analiza di’ak ho justu para trabalahdor no empregador labele hetan prejudikadu iha dezisaun,” hateten Deputadu Arao Noe de Jesus iha PN, 29/04

Nia dehan, tanba tinan 10 ona trabalahdor iha salariu $115 entaun iha merese ona, atu hasae  traballador nia salariu baziku ne’e ho justu,maske iha lei traballadores maibé sosializasaun mak seidauk maximu atu traballador hotu bele komprende lei ne’e.

“Ita iha regra no lei traballadores soke sosializasaun ba trabalahdores mak seidauk maximu, tanba ne’e mak parase sira nia direitu kuandu kompania sira viola, sira la hatene atu ba ne’ebé tanba ne’e ha’u nia jusjestaun presisa halo sosializasaun makas”, hateten Arao Noe de Jesus

Print Friendly, PDF & Email

LEAVE A REPLY

Please enter your comment!
Please enter your name here