Reportajen David da Costa Gusmao
Liu hosi Komunikadu Imprensa ne’ebe maka Sala Situasaun Centru Integradu Jestaun Krize ( SS-CIJK) Relata katak, ohin rejista ema nain 3 grave iha sala Izolamemtu Vera Cruz, nain 2 tau ventiladór no na’in 1 uza CPAP
Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, informa, Iha loron 3 Juñu tinan ne’e, iha sala izolamentu Vera Cruz halo tratamentu ba kazu detetadu na’in 34.
“Iha área obstetrisia nain 13, no iha medisina interna nain 21. Sira na’in 13 iha obstetrísia, kategoria level (mild) hotu,” dehan Dr. Rui Liu hosi Komunikadu Imprensa ne’ebé Neon Metin Asesu iha Loron, Kinta 3/06.
Nia haktuir, hosi sira na’in 21 iha medisina interna, na’in 3 grave (2 uza ventiladór, 1 uza CPAP), nain 14 moderadu, na’in 4 level (mild).
Entretantu Dadus jeral ohin loron nian, Kazu foun hamutuk 112, kazu rekuperadu hamutuk 134, kazu ativu baixa hamutuk 2580 no kazu konfirmadu akumulativu sura hosi 21 Marsu 2020 to’o mai iha 3 Juñu tinan ne’e hamutuk 7422.
