Reportajen David da Costa
Komemorasaun ba Loron 12 de Novembru ba dala-32 iha Semiteiru Santa Cruz, Eis Presidente Republika (PR) no aktuál Presidente Partidu Frente Revolusionáriu de Timor-Leste Indepeden (FRETILIN), Dr. Francisco Guterres Lu-Olo, hateten, juventude sira ne’ebé uluk sakrfika aan atu hatudu ba mundu internasionál, kona-ba Timor-Leste nia luta atu hetan indepedensia.
“Ita nia juventude sira konsiente, sira husik sira nia sakrifisiu boot iha rate santa cruz atu bele fanu mundu tomak kona-ba ita nia luta libertasaun Nasionál ba povu Timor-Leste nian direitu ba auto determinasaun indepedensia,” dehan Presidente Partidu FRETILIN, Lu-Olo, bainhira Partesipa iha Komemorasaun Loron 12 de Novembru iha semiteriu Santa Crus. Domingo 12/11.
Nia haktuir Loron 12 Novembru halo ona tinan tolunolu resin mai oin, ohin bele halibur malu fila fali iha fatin ida ne’e, para atu bele fó memoria nafatin ba juventude sira ne’ebé maka mate, maibé fó deit memoria ne’e mós seidauk naton, lori fó memoria ba sira para halo reflesaun hodi profunda kona-ba lalaok Timor-Leste hanesan pais indepedente hodi to’o mai ohin loron.
“Tanba ne’e, Saida maka ita halo ba sira ida ne’ebé maka sei moris hela, sira nia moris di’ak ba povu tomak nia moris di’ak, saida maka ita halo di’ak, saida makaita halo sala, saida maka ita halo tiha ona i saida makai ta seidauk halo, loron para atu halo reflesaun hamutuk, loron para ita atu bele hanoin fila fali, saida makai ta seidauk halo, karik hanoin para atu bele halo di’ak liu,” nia esplika.
Nia hatutan ba nia fundamentalmente respeita tebes ema ne’ebé maka ohin 12 Novembru fó sai. “mas ha’u nia hanoin, se sira ne’ebé maka mate iha rate santa crus, sira fó sakrifisiu boot para atu liberta ita patria, agora ba ita nia dever boot ida para ita atu luta hodi bele liberta ita nia povu, atu bele fó digunidade ba sira maka ida ne’e duni”.
