Home Notisia SEJD Ho Parlamentu Foinsa’e Aprezenta Polítika Nasionál Juventude Iha Area 5 Ba...

SEJD Ho Parlamentu Foinsa’e Aprezenta Polítika Nasionál Juventude Iha Area 5 Ba PR

71
0
SEJD ho PF iha palacio prezidensia. [Foto: Santy | 14.01.2022]

Reportajen Santina Lucia da Costa

Sekretariu Estadu Juventude no Desportu (SEJD), Abrão Saldanha Nokosiku ho Membru Parlamentu Foinsa’e Nian (PF) na’in 13, entrega rezultadu plenária dahuluk, Polítika Nasional Juventude iha area lima ba Prezidente Repúblika, Dr. Francisco Guterres Lú Olo.

Hafoin enkontru Sekretáriu Estadu Juventude no Desportu (SEJD), Abrão Saldanha Nokosiku, hateten akompaña Membru Parlamentu Foinsa’e Nian (PFN) hodi entrega rezultadu plenária iha fulan Agostu 2021, ne’eb’e la konsege entrega ba Prezidente Repúblika tanba konfinamentu obrigatóriu Covid-19.

“Programa ne’e halo periodu da-4 nian halo rekrutamentu iha tinan 2019 ita foin halo formasaun fali iha 2021 tanba pandemia Covid-19 interompe, ita halo tiha iha 2019 ba  Sesaun ida agora ita atu koñese kona-ba papel orgaun soberaniu sira ida-idak atu nune’, ohin vizita ida mai Palasiu Prezidente Republika ne’e atu hasoru direitamente ho Prezidente Republika no sira hato’o rasik sira nia aspirasõens ba opiniaun, observasaun, investigasaun ba problema  sira ne’ebé sira rasik infrenta, esperiensia, iha sira ida-idak nia postu administrativu no ohin simu direita husi Prezidente Republika.” Hateten Abrão Saldanha Nokosiku iha Palasiu Prezidensial, Nikolau Lobato, Bairu-Pite 14/1.

Abrão hatutan Prezidente Republika mós sai símbolu influensia majistratura, hodi bele tatoli ba orgaun estadu sira tomak ne’ebé ligadu ba asuntu joven sira, programa formasaun Parlamentu Foinsa’e nian hanesan espasu ida ne’ebé estadu, governu kria atu oinsa joven sira bele halo aprende, no ezersísiu sidadania ida di’ak liu, no bele sai futuru lideransa, kuadrus estadu nian iha nivel hotu-hotu.

Governante ne’e akresenta dezempregu problema ida pretenente, sira mós identifika iha sira nia relatóriu, aprezenta diskusaun, dezempregu ne’e problema estadu tomak ninian, saida mak ita halo mak governu agora dadauk, hahú programa sira oioin iha nivél pakote reforma ekonomika no planu rekuperasaun ekonomika, ida ne’e dudu estimula oinsa mak ita bele kria kampu empregu ba foinsa’e sira liuliu saida mak sira identifika maka formasaun profisional, vokasional ba foinsa’e sira para iha skill para iha kapasidade para atu kompete iha merkadu traballu.

Nokosiku haktuir, Prezidente Republika husu atu joven sira kaer sasan sira ho própriu, faktu hodi forma sira nia juizu atu observa situasaun sira no liuliu Prezidente Republika husu atu kaer metin ba prinsipiu valores ida-idak nian, atu oinsa nafatin hahi nafatin sakrifisiu sira ne’ebé luta na’in sira halo ona, hodi kontinua estafeta ba lideransa rai ida ne’e nian.

Governu nia esperansa mensajen ba PFN katak, aproveita ho formasaun ida ne’e atu bele sira mudansa iha atitude, mudansa sira nia-an rasik, sira nia sosiedade no mudansa Timor-Leste ba dalan di’ak liu.

Iha fatin hanesan,  Koordenadór Parlamentu Foinsa’e Nian (PFN) ba periodu da-4, Andre José M. Sarmento  Paul, reforsa tan katak,  aprezenta politiku nasional juventude nian iha area lima ba Prezidente Republika mak hanesan, joven ho edukasaun, joven ho moris saudavél, joven ho empregu ho empregabilidade, joven partisipasaun sivika no mós joven ho violensia no krime.

“Rezultadu ida ne’e mai hosi ami membru Parlamentu Foinsa’e sira hotu, husi postu Administrativu  63 no sub-rejiaun rua, rezultadu ida ne’e kobre tomak area sira ne’ebé tematiku iha politiku nasional juventude nian liuliu joven ho edukasaun, joven ho moris saudavél, joven ho empremu ho empregabialidade, joven partisipasaun sivika no joven ho violensia no krimi.” Koordenadór Parlamentu Foinsa’e Nian (PFN), Andre José M. Sarmento  Paul.

Andre espera hosi okaziaun kmanek ida ne’e, ita hatene katak ita nia Prezidente Republika mak besik liu ita nia orgaun soberanu sira hotu, liuhusi entrega dokumentus ida ne’e, bainhira iha enkontru semanal ho orgaun sira hotu, liuliu orgaun ezekutivu bele hato’o rezultadu ida ne’e.

Print Friendly, PDF & Email

LEAVE A REPLY

Please enter your comment!
Please enter your name here