Home Notisia Sekarik Kandidata-an Ba Prezidente, Lere: Tenke Konfia Ain Rua no Labele Lori...

Sekarik Kandidata-an Ba Prezidente, Lere: Tenke Konfia Ain Rua no Labele Lori Ai-tonka

386
0
Xefe Estadu Maiór Jenerál F-FDTL), Tenente Jenerál, Lere Anan Timur. [Foto: Santy | 14.01.2022]

Reportajen Santina Lucia da Costa

Xefe Estadu Maiór Jenerál  Falintil-Forsas Defeza Timor-Leste (F-FDTL), Tenente Jenerál, Lere Anan Timur hateten kandidata-an ba Prezidente Republika, tenki konfia ain rua, labele konfia ema seluk nia ain, sé konfia ema nia ain ne’e la la’o, konfia ain tuir dalan mak labele lori ai-tonka

Hafoin hasoru ho Przidentu Republika, ba joralista sira Tenente Jeneral, Lere Anan Timur hateten sekarik kandidata-an ba Prezidente Republika, maka sein apoiu husi Xanana Gusmão, Tenente Jenerál, Lere Anan Timur hateten, tenki konfia ain rua, labele konfia ema seluk nia ain, sé konfia ema nia ain ne’e la la’o, konfia ain tuir dalan mak labele lori ai-tonka.

“Hau kandidata-an primeiru tenki konfia ain rua ne’e labele konfia ema seluk nia ain, sé o konfia ema seluk nia ain o la la’o, konfia hau nia ain tuir dalan mak labele lori ai-tonka, ai-tonka mak apoiu sira seluk ne’e, agora ita labele depende uluk, funu mós hanesan ne’e.” dehan, Xefe Estadu Maiór Jenerál  F-FDTL, Tenente Jenerál, Lere Anan Timur, ba Jornalista sira hafoin enkontru ho Prezidente Republika, iha Palasiu Prezidensial, Nicolau Lobato, Bairu-Pite, 14/01.

Lere Anan Timur realsa tan katak, Prezidente dekreta kalendariu eleisaun prezidensial,  sé karik kandidata-an ba Prezidente Repúblika, Lere anunsia iha Munisipiu Ainaru.

“Ida ne’e uluk kedas hau dehan katak, hau sé karik, kandidata-an ba Prezidente Republika hau anunsia iha Munisipiu Ainaro, tanba Ainaro oan sira laiha, ohin loron mós hau laiha, ohin loron mós hau nia klamar iha tiha infernu ne’eba tanba hau oho ema barak ne’e krime ne’ebé hau ba ona infernu. Mais tanba Ainaro oan sira mak, hau moris, ohin hau mai hamriik iha povu nia oin.” afirma Lere.

Print Friendly, PDF & Email

LEAVE A REPLY

Please enter your comment!
Please enter your name here