Home Notisia Lere Anan Timur: Só Iha Konsensus Mak Bele Rezolve Problema impase Politika

Lere Anan Timur: Só Iha Konsensus Mak Bele Rezolve Problema impase Politika

209
0
Lere Anan Timur (Foto: Youtube)

Reportajen Santina L. da Costa

“Ami mai rona opiniaun husi Prezidente da Republika konaba situasaun politika ne’ebé ké agora dadaun lao iha rai laran, liuliu enkontru sira ne’ebé halo ona ho partidus sira, ONG sira atu haree ba situasaun politika ida ne’e, Alende ida ne’e mós husu mós ami nia opiniaun Prezidente nia pareser konaba situasaun atual,” Katak Xefe Estadu Maiór Jenerál Lere Anan Timur, ba jornalista sira, loron Sesta-feira, 7/2/2020, iha Palasiu Prezidensial Nicolau Lobato.

Xefe Estadu Maiór Jenerál Lere Anan Timur, hateten solusaun ne’e kompetensia tomak iha Prezidenre da Republika, ami hatete de’it só iha dialogu mak resolve problema, konsensus mak bele resolve problema.

“Ba ami, ne’e kompetensia tomak iha Prezidente da Republika nia liman, ami só hatete de’it katak só dialogu mak bele resolve problema, konsensus mak bele resolve problema, “ Lere esplika.

Aproveita mos deklasaun imprensa ne’e Lere mos halo klarifikasaun ba statement ne’ebe nia hato’o ba media loron hirak liuba relasiona ho PR ho PM rai sira nia pozisaun iha gaveta.

“Dalaruma opiniaun publika ne’e, lori hau nia lian ne’ebé uluk hau dehan katak Prezidente Republika tau nia kargu iha Gabeta, Primeiru Ministru mós, ida ne’e hau dehan atu klarifika laos katak halakon governu no estadu, halakon kompetensia Prezidente da Republika nudar komandante supertendentes das forsas armadas, halakon Primeiru Ministru nudar xefe do Governo, maibé hau nia klarifikasaun mak ida ne’e hau hakarak sira na’in tolu ka liders hothotu istóriku apartirde maun Marí, Ramos Horta, hamutuk ho sira na’in tolu tur hamutuk hetan konsensuss, konsensu atu resolve, ultrapasa impase politiku ida ne’e. Mais enkuantu laiha konsensus ita bele halo buat hothotu mós impase iha nafatin,” Lere Anan Timur klarifika.

Lere aumenta tan dehan, “balun koalia konaba eleisaun antisipada, buat ne’ebé ita uluk promote uluk, seidauk ezekuta agora ba koalia tan saida.”

 

LEAVE A REPLY

Please enter your comment!
Please enter your name here