Home Saude Kazu Pozitivu Foun COVID-19 Total 34, Cluster Foun Iha Atauro no Aldeia...

Kazu Pozitivu Foun COVID-19 Total 34, Cluster Foun Iha Atauro no Aldeia Rai Nain

411
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Ekipa vijilansia Ministeriu Saude (MS) ohin loron 02 Abril deteta tan kazu konfirmadu foun COVID-19 hamutuk 34.

Liu hosi komunikadu imprensa hosi Sala Situasaun Centro Integradu Jestaun Krize (CIJK), relata ba jornalista sira katak evolusaun surtu COVID-19 iha Municipio Dili iha kazu foun 34. Nune’e, kazu detetadu ka pozitivu iha Munisipiu Dili husi loron 7 Marsu 2021, to’o ohin 2 Abril 2021, hamutuk 527.

Ho nune’e, iha Munisipiu Dili, iha cluster foun 2, Ataúto ho Aldeia Rai Nain, Suku Bairro Pite. Total iha cluster 50 maka sei nafatin hatudu atividade hada’et-tutan virus SARS-CoV-2, husi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Motael, Kulu-Hun, Lahane Oriental, Becora.

Iha komunikadu mos informa katak kazu pozitivu rua iha Ataúro, halo viajen husi Dili iha loro 31 Marsu. Iha Dili sira hela iha Bidau Santana. Ekipa konjunta saúde buka-tuir hela sira nia kontaktu-besik iha Dili no mós iha Ataúro.

Nune’e dadus jeral ba loron 2 Abril hamutuk 34, kazu rekuperadu nain 24 no total kazu ativu hamutuk 461. •Husi total kazu foun ohin mane 19 no  feto 15, iha  Sintomátiku nain 2 no asintomátiku nain 34.

Husi horiseik mai ohin hamutuk 632 mak halo teste PCR inklui 223 testes ba ema ne’ebé halo pedidu atu hetan autorizasaun esepsionál, hodi sai husi serka sanitária iha Munisipiu Dili.

Print Friendly, PDF & Email

LEAVE A REPLY

Please enter your comment!
Please enter your name here