Reportajen Filomena da Conceição
Primeiru Ministru (PM) Taur Matan Ruak hateten Presidente Indonesia Joko Widodo ho Primeiru Ministru Singapura manifesta sira-nia totál apoiu ba Timor-Leste, laos de’it tama iha ASEAN maibé oinsá mós íntegra an iha ekonomia, relijiaun nian ho nune’e sira pronto para apoiu Timor-Leste
Pratikamente Xefe Governu fila husi Vizita nasaun rua maka hanesan Indonesia no Singapura. Nune’e iha nasaun Indonesia xefe governu ne’e hasoru Prezidente Republika Indonesia Joko Widodo hodi koalia konaba asuntu importante sira
“Iha Indonesia ha’u hasoru malu ho Presidente Joko Widodo, ami ko’alia asuntu tolu maka; halo balansu kona-ba ita nia kooperasaun iha tinan 20 nia laran no iha tinan 20 ne’e itaa vansa aspektu barak, hanesan polítika, sosial, ekonómika, sosiokultural. No fó oituan kona-ba situasaun ita nia rai laran tantu susesu ne’ebé ita hetan no dezafiu ne’ebé ita hasoru, tanba ne’e ita presiza servisu makaas iha rai laran no ita nia parseiru sira para ultrapasa dezafiu sira. Ikus liu ami koalia kona-ba saida maka hanoin hodi halo iha tempu oin mai,” dehan Taur iha ninia konferénsia Aeroportu Internasionál Prezidente Nicolau Lobato, Komoro Dili, kuarta 22/02.
Dezafiu sira ne’ebé Timor-Leste hasoru maka hanesan pobreza Multidemonsional ne’ebé 48%, Mal-Nutrisaun 47%, seguransa alimentar 37%, no dezempregu 9,6%.no iha Indonesia ne’e xefe Governu mós ko’alia ho Prezidente Indonesia oinsá Timor-Leste niia preparasaun hodi adere bai ha ASEAN.
“Nuneé, ami mós konsentra ba Asuntu importante rua mak hanesan, oinsá prepara an didiak para bele responde ruma ne’ebé ASEAN aprezenta ba ita,” nia esplika.
Alende ne’e mós Xefe Governu vizita s iha Singapura hasoru malu ho Primeiru Ministru Singapura hodi ko’alia kona-ba Timor-Leste nia relasionamentu 20 anos ho Singapura hodi agradese ba apoiu sira ne’ebé sira fó, no aprenzenta mós situasaun jerál iha Timor no mós haree aspetu sira ne’ebé Timor atu servisu hamutuk iha futuru mai.
Xefe Governu nia vizita ba iiha Singapura ne’e hodi haree liu ba aspetu rua ida mak oinsá Singapura apoiu Timor-Leste para nia prepara an didiak iha full member ASEAN nian. Ida seluk kona-ba posibilidade aban bainrua iha kooperasaun teknika, liuliu iha área teknik sira hanesan planeamentu, organizasaun nian.
“Kooperasaun komersiál entre Timor-Leste ho Singapura hanesan maior investidor iha Timor ne’ebé ho investimentu 800 milloens kompara ho Indonesia 120 milloens signifika iha esforsu sira ne’ebé ita halo hodi entende hodi fó vantajen ba dezenvolvimentu nasaun iha tempu oin mai,” tenik nia.
