Home Notisia Kongresu AJTL Hili Editor Neon Metin, Zevonia Vieira Sai Prezidente AJTL

Kongresu AJTL Hili Editor Neon Metin, Zevonia Vieira Sai Prezidente AJTL

1255
0
Presidente eleito AJTL, Periodu 2020 -2024, Zevonia Vieira, hato'o nia diskursu de vitoria (Foto: Shanti LdC)

Premeiraves feto ida  lider topu AJTL, Editor Neon Metin, Zevonia Vieira, eleitu nudar Presidente AJTL iha Kongresu ba Da-4. Nia asumi lideransa AJTL ba periodu 2020 – 2024. Presidente foun ne’e prioritize egualidade jeneru no jornalizmu ho sensibilidade ba jeneru, kontra disinformasaun no jornalizmu dame nian nudar nia programa importante iha ninia lideransa.

“AJTL nia papel ida mak promove igualdade jeneru. Feto iha abilidade no kapasidade atu lidera organizasaun. AJTL iha natureza ativismu no solidaridade hodi defende liberdade imprensa no espresaun,” Zevonia expresa iha ninia diskursu de vitoria.

Relasiona ho programa ne’ebe AJTL iha lideransa foun ne’e, Zevonia sei foka ba programa importante sira nudar kontinuasaun ho programa estrutura uluk nian no mos balun nudar programa foun iha ninia lideransa.

“Programa ba periodu ida ne mak estrutura sei foka ba media literacy no digital literacy atu bele halo advokasia oinsa ita kontra disinformation no fake news, gender sensitive journalism no peace journalism, “ Presidente eleitu ne’e hato’o

“Hau husu soe ita nia konflik interest, ita nia hamutuk  mak forsa atu dezenvolve media iha TL diak liutan, “ Zevonia aumenta.

Ba premeiraves, Asosiasaun ne’e hili lider feto ida nudar Presidente Asosiasaun. Zevonia Vieira, nudar mos editor media online Neon Metin, no Xefe Redasaun media online TAFARA eleitu nudar Presidente AJTL.

Kongresu AJTL ba Da-4 ne’e partisipa hosi jornalista, freelances, peskijador, no mos fundadores AJTL nian. Pakote ne’ebe Zevonia lidera mak Pakote B ho total votus 81, Pakote C lidera hosi Amito ho votus 80 no Pakote A lidera hosi David Hugo ho total votus 6.

 

LEAVE A REPLY

Please enter your comment!
Please enter your name here