Home Notisia Zevonia: Jornalizmu Sensivel ba Jeneru, Programa Importante Ida Hosi Lideransa Foun AJTL

Zevonia: Jornalizmu Sensivel ba Jeneru, Programa Importante Ida Hosi Lideransa Foun AJTL

633
0
Presidente Eleitu AJTL ba Periodu 2020 - 2024, Zevonia Vieira (Foto: Shanti LdC)

Presidente eleitu AJTL, Zevonia Vieira, ba periodu 2020 – 2024, prioritiza jornalizmu ho sensibilidade ba jeneru iha ninia lideransa.

Presidente foun AJTL nian ne’e preokupa ho situasaun egualidade jeneru iha kobertura media nian. Feto sira mak marjinal liu ladun hetan espasu no sai objetu deit iha istoria nutisia sira.

“Situasaun nebe mak media balun hasoru iha Timor-Leste bainhira hakerek news konaba asuntu feto, hanesan kazu abuzu sexual, violensia domestika, violensia bazea ba generu. Iha kobertura hirak ne’e, dala barak feto mak sempre sai objetu iha nutisia. Media ho prespetiva jender seidauk iha, entaun spasu ba feto sira nebe marjinal, inklui feto ho difisiensia la dun hetan spasu iha kobertura. Sira  nian lian ladun reprezenta iha nutisia, “Presidente AJTL, Zevonia Vieira esplika liu hosi intervista via messenger, 08/02.

Nia hatuan dehan, “Bainhira estadu ne’e koalia ona promove igualdade jeneru, media nia papel mos tenke aplika prespetiva jender iha kobertura no labele halo feto sai objeto, maibe hatudu mos feto nia hanoin no prespective atu hakbiit feto sira.” 

“Gender sensitive journalism nee importante hodi ajuda jornalista sira produs news laiha bias jender. Ho nune AJTL nudar asosiasaun jornalista iha papel ida atu kapasita nia jornalista sira atu iha abilidade no halo edukasaun sivika hodi aplika gender sensitive jorunalism iha ira nia obra, tamba ida ne parte hosi promove liberdade imprensa no espresaun, “ Zevonia aumenta.

Ba premeiraves, Asosiasaun ne’e hili lider feto ida nudar lidera aas liu iha AJTL. Zevonia Vieira, nudar mos editor media online Neon Metin, no Xefe Redasaun media online TAFARA eleitu nudar Presidente AJTL.

Kongresu AJTL ba Da-4 ne’e partisipa hosi jornalista, freelances, peskijador, no mos fundadores AJTL nian. Pakote ne’ebe Zevonia lidera mak Pakote B ho total votus 81, Pakote C lidera hosi Amito ho votus 80 no Pakote A lidera hosi David Hugo ho total votus 6.

 

LEAVE A REPLY

Please enter your comment!
Please enter your name here