Reportajen David da Costa
Iha kampaña eleitorál Partidu Frente Revolusionáriu Timor-Leste Independente (FRETILIN), iha kampu Villa Maumeta, Adeia Ilmanu, Suku Maumeta, Munisipiu Atauru, FRETILIN promete ba povu Atauru katak, sei prodúz tasi been sai bee moos hodi konsumu, dezenvolve Atauru sai fatin turismu no hari Hospital espesial ida iha Atauru.
“Primeiru koiza ba prioridade atu resolve ba Atura maka bee, ne’e hau maka koalia, ida husi tasi been halo bee moos. Dalan maka rua ne’e, udan tun tenke iha infraestrutura para ita bele salva tiha, udan la mai ita iha bee para konnsumu, dehan Sekretariu Jerál, Partidu FRETILIN, Dr.Marí Alkatiri, bainhira halo nia kampana komisiu iha kampu villa Maumeta, Munisipiu Atauru, Tersa 25/04.
Tanba iha Primeiru governu uluk halo tiha negosiasaun ona, para atu halo tasi been ne’e sai fali ba bee moos, maibé para tiha, agora Fretilin ba fali ukun hodi bele kontinua fila fali ida ne’e. seluk tanba maka Turismu iha Munisipiu Atauru, FRETILIN iha ona planu Ordenamentu ida ba Munisipiu Atauru, atu dezenvolve Atauru sai fatin turiismu.
“Ita iha ona planu Ordenamentu ida ba Atauru maka Turismu iha Atauru, Ita tenke haree prioridade ba atauru ne’e saida, labele husik ema sira mai iha ne’e halo narnaran deit ne’e turista. Turista mai ne’e husik osan iha ne’e, laos sasan tomak lori mai ihusi Dili maka han iha ne’e, depois husik deit maka lixu, la husik osan iha ne’e,” nia hateten.
Sekretariu Jerál, Partidu Frente Revolucionário Timor-Leste Independente (FRETILIN), konsidera, Atauru ne’e hanesan osamean ida, tenke kuidadu, tanba ne’e Atauru tenke halo dezenvolvimentu la’o lais. Tanba ne’e Governu ida ne’ebé viabiliza husi FRETILIN, iha ona projetu hospital espesial ida atu halo iha Munisipiu Atauru.
Tanba ne’e labele vota ba partidu kiik sira, tanba votus ne’e iha valor, ho ida ne’e iha 21 Maiu vota ba Partidu Frente Revolucionário Timor-Leste Independente (FRETILIN), atu nune’e ba kaer fali ukun hodi bele resolve probelma ne’ebé povu Atauru hasoru.
“Tanba ne’e hau iha 2023 ne’e povu maka manan, povu maka mana ne’e vota ba se, hau dehan labele vota ba partidu kiik sira, tanba ita nia votu ne’e iha valor,” dehan Mari
