Home Meio Ambiente Grupu Eternal Friends Rekopera Ambiente, Liu Husi kuda Ai-oan Iha Manleuana

Grupu Eternal Friends Rekopera Ambiente, Liu Husi kuda Ai-oan Iha Manleuana

453
0
Koordenador Grupo EF, Gabriel C. de Jesus, Fahe Ai-oan ba SEA no SECOOP (Foto: Eternal Friends)

Reportajen Kontribuidor EF

Grupu Eternal Friends (EF) hamutuk ho Sekretaria Estadu Ambiente (SEA) no Sekretaria Estadu Cooperativa (SECOOP) hala’o aktividade kuda ai-oan iha  suku Manleuana, Aldeia Laulora, sabadu (08//02), nu’udar  matadalan ba komunidade sira atu hadia ambiente no hadomi natureza.

Kordenador Grupu, Gabriel Costa  de Jesus, hatete inisiativa husi kuda ai-oan ne’e  nu’udar sinal hadomi ambiente no  natureza bazeia ho tema ne’ebe iha katak “Kuida Natureza, Nia Sei Hadomi Ita”.

“Ami hahu kuda  ho ai-oan  atus ne’en (600),  husi  ai-mahoni, kulu, has, ai-ata no kaijus, ai hirak ne’e ami servisu hamutuk ho GERHANA mak  ami husu tulun husi viveirus Maubara,” dehan Gabriel.

Nia hatutan dehan nia orgullu tebes ba parte hotu ne’ebe mak fo apoiu ba aktividade ida ne’e, tanba grupu Eternal Friends foin mak hahu ba dahuluk kuda ai-oan. Nia prontu responsabiliza  hodi kontrolu nafatin  ai-oan hirak ne’ebe mak kuda ona kada fulan tolu (3) to’o moris.

Iha parte seluk Secretatario Estado Cooperativa (SECOOP), Arsenio Pereira da Silva, hatete aktividade kuda ai-oan ne’e konsidera  nu’udar servisu sosial ida ne’ebe presija ema hotu nia partisipasaun hodi kolabora ba servisu.

“Iha ami nia prejensa, ami la iha apoiu finanseiru ba iha grupu refere, maibe ami  iha de’it apoiu moral atu haforsa grupu ne’e rasik, tanba aktividade ne’ebe sira hala’o,  hola parte ba iha servisu sosial nian,” dehan Arsenio.

Aleinde ne’e, Secretaria Estado Ambiente (SEA), Demetrio D.A de Carvalho hateten inisiatva ne’ebe grupu Eternal Friends  ka antigus alunus  Seminariu-Balide nia ne’e nudar programa reflorestasaun atu rekopera hikas ambiente hodi redus erosaun iha tempu udan.

“Ha’u husu atu grupu EF, bele servisu ho dedikasaun hodi kontrola ai-oan hirak ne’e bele moris ho diak,” Demetrio hatete.

Nia hatutan kona ba ai-oan hirak ne’ebe mak kuda ne’e mos la’os de’it ba proteje erosaun, maibe iha ai-oan balun ne’ebe mak bele fo benifisiu ba komunidade sira  atu konsumu, hanesan ai-ata kulu no has.

Iha aktivdade kuda ai-oan ne’e durante hahu to’o remata  hetan mos partisipasaun  husi autoridade lokal  no komunidade sira ne’ebe  mak hela iha Aldeia Laulora.

LEAVE A REPLY

Please enter your comment!
Please enter your name here