Home Notisia Gill: Obrigasaun Estadu Fasilita Edukasaun Literasia Dijitál Ba Sidadaun Importante

Gill: Obrigasaun Estadu Fasilita Edukasaun Literasia Dijitál Ba Sidadaun Importante

1052
0
Prezidente KI Virgilio Guterres. [Foto: Media KI | 23.07.2020]

Reportajen Santina Lucia da Costa

Relasiona ho literasia dijitál maka governu iha obrigasaun fasilita edukasaun literasia dijitál ka literasia mediatika, atu nune’e sidadaun sira hasa’e sira nia koñesimentu no halo ninia liberdade ne’ebé auto-governa nia-an ka ukun rasik-an.

Tuir Prezidente Konsellu Imprensa, Virgilio da Silva Guterres iha ninia aprezentasaun katak kapasidade sidadaun nian atu absorve meius dijitál, hodi hetan informasaun ne’e sai importante. Publiku hatene saida maka governante, sira halo ho nia koñesimentu ikus mai fó poder ba nia, atu kestiona ninia reprezentante sira, ne’e bainhira ita haree asesu ba informasaun hanesan direitu.

Prezidente Konsellu Imprensa hatutan buat balun ita atu haree liuliu ba dijitalizasaun, bainhira ita uza koalia kona-ba informasaun, atu sai ona hanesan direitu públiku, atu asesu ba informasaun liuhusi meius dijitais, entaun ita presija mós haree iha kontextu ida ne’e, tanba asesu ba meius informasaun ne’e iha ita nia konstituisaun sai tiha direitu.

 “Obrigasaun estadu fasilita edukasaun literasia dijitál ka literasia mediatika ba sidadaun ne’e sai importante,” hateten, Prezidente Konsellu Imprensa, iha Salaun Suai Room, Timor Plaza, 7/7.

Nia dehan literasia mediatika ba sidadaun dijitál ne’e, tenke halo sidadaun nia kapasidade atu uza informasaun sira ne’ebé nia hetan,  atu hasa’e nia koñesimentu ne’ebé halo nia atu haree ninia liberdade ida ne’ebé auto-governa nia-an.

Nia subliña savi atu kontrola no atu redús ninia efeitu asesu negativu husi dijitalizasaun, diversifikasaun ka komunikasaun mak edukasaun, edukasaun familiar, edukasaun oinsa atu materia sira kona-ba komunikasaun nian, kona-ba utilizasaun meius ka aparellu komunikativus ninian ne’e tenke lao.

Print Friendly, PDF & Email

LEAVE A REPLY

Please enter your comment!
Please enter your name here