Home Saude Covid-19, MS Halo Ona Promosaun Edukasaun Saude no Desiminasaun Informasaun

Covid-19, MS Halo Ona Promosaun Edukasaun Saude no Desiminasaun Informasaun

805
0
Diretora Nasional Saude Publika iha Ministeriu Saude [MS], Doutora Isabel Gomes. [Foto: Santina Lucia da Costa | 07.03.2020]

Reportazen Santina Lucia da Costa

Surtu virus Corona ne’ebe mak importa ona ida mai Timor-Leste, Ministeriu Saude kontinua halo sosializasaun hodi ema hotu bele halo prevensaun. Liu hosi talkshow ne’ebe mak organiza hosi Rede Feto, Diretor Nasional Saude Publika iha Ministeriu Saude [MS], Doutora Isabel Gomes hateten bainhira WHO deklara katak virus Corona nudar emerjensia suade global iha momenta ne’eba kedas Ministeriu Saude foti insiativa hamutuk WHO, hodi trasa planu oioin no estabelese ona aktividade no programa oioin, hodi bele kombate ka prevene moras ida ne’e labele mai iha Timor-Leste.

Doutora Isabel hateten atividade primeiru ida ne’ebé mak Ministeriu Saude Halo mak estabelese mak harii Komisaun Nasional kontra moras surtu Virus Corona, iha MS rasik, WHO no mos parseiru sira selu, involve liña ministeriais hahu trasa planu oinsa mak prevene ka kombate moras ida ne’e para labele mai iha TL.

“Momentu ne’eba prepara planu ba fatin kuarentena, atu nune’e ema ne’ebé mak  iha ona suspeitu ba moras ne’e, bele tama iha kuarentena  nune’e labele kontimina ba ema seluk”, tenik Doutora Isabel iha studio TVE, 07/03.

Doutora Isabel Gomes dehan parte Ministeriu Saude  hamutuk ho parseiru ONU nia hanesan WHO, UNICEF no parseiru seluk hahu dezenvolve materiais ba promosaun edukasaun saude, atu fo koñesimentu ba komunidade sira, konaba moras ne’e no oinsa prevensaun esplika ba sira, oinsa moras ne’e bele hada’et ba sira.

“Ami mós halo sosializasaun ba parte relevantes sira hotu, halo mós advokasia no mós desiminasaun ba informasaun ba ita nia komunidade no intituisoeñs relevantes sira. Halo treinamentu no fo formasaun ba profesional saude sira, se kazu pozitivu oinsa mak sira bele halo atendimentu ida ne’ebe mak di’ak”,  dehan Doutora Isabel Gomes.

Doutora Isabel mos hateten Ministeriu Saude mos estabelese Centru Informasaun ba Emerjensia ne’ebé mak Ministeriu Saude hamutuk ho WHO, estabele mós hotline ida mak naran Centru Emerjensia ho ninia numeru mak 119, ida ne’e fó oportunidade ba maluk sira ne’ebe mak hakarak hetan informasaun klean konaba Covid 19, sira bele liga ba Nu.119, nune’e mós sira ne’ebé mak se karik iha moras sintomas ruma, konaba moras ida ne’e, sira bele konsulta direitamente ho pesoal saude.

“Ami halo ona promosaun edukasaun saude, desiminasaun informasaun maibé dalaruma ita nia komunidade balun, sira la dun fó importansia ba asuntu ida ne’e, maibé ami husi parte Ministeriu Saude iha obrigasaun atu kontinua fo promosaun edukasaun saude, desiminasaun informasaun, tanba atu muda ema nia atetude no hahalok ne’e, hau hanoin lori tempu”, Tenik Isabel Gomes.

Print Friendly, PDF & Email

LEAVE A REPLY

Please enter your comment!
Please enter your name here