Home Memoria Estudante Sira Hakerek Istoria Pasadu Funu nian, Feliciana: Istoria Sai Inspirasaun

Estudante Sira Hakerek Istoria Pasadu Funu nian, Feliciana: Istoria Sai Inspirasaun

1583
0
Estudante sira ne'ebe hakerek istoria pasadu. [Foto: Santina Lucia da Costa | 18.07.2020]

Reportazen Raimundo Seguerau

Estudante hamutuk 29 kompostu husi eskola Sekundaria Annur, Santa Madalena de Canossa,  Externato de São Jose, Colegio São Miguel Arcanjo no Universidade da Paz hakerek istoria kona-ba luta Timor-Leste nian hahu iha tinan 1975 to’o 1999 ne’ebe hetan apoiu husi Centro Nasional Chega!

Istoriadora, Brigida Antonio Correia sente kontente no apresia tebes ba estudante sira nia hakerek istória, tanba bele hasoru nia hodi ko’alia kona-ba ninia partisipasaun luta iha prosesu luta ba ukun rasik-an.

“Hau sente orgullu tanba buat ne’ebé hau nia istoria hau nia-an rasik, hau labele fó sai. So balun de’it mak fó sai, maibe tanba estudante sira hakarak buka hatene hau nia istoria tanba ne’e mak hau bele konta hau nia istoria durante luta”, dehan Brigida ba Neon Metin iha edifisiu Antigu Komarka Balide, Sexta (17/07).

Eis Deputada ne’e haktuir, jerasaun foun presiza hatene istoria luta tanba jerasaun foun, ne’ebé mai prezisa husu atu nune’e sira nia inan no aman presiza konta sira nia istoria ba sira nia oan bele hakerek hodi entrega ba CHEGA atu nune’e bele sai livru ida para bele hatutan luta ne’ebé inan no aman nian.

“Hau nia mensajen mak jerasaun presiza buka tuir istoria inan no aman nian, ita tenke fó sai ba publiku kona-ba sira nia luta atu nune’e ema labele haluha sira nia luta. La’os ita atu hatudu-an katak ita luta, maibe ne’e hanesan memoria ba familia ida”, nia esplika.

Nune’e, eskritór Istória, Felicia Guerra Soares Araujo sente kontente, tanba bele hetan esperensia foun wainhira hakerek istória inan no aman sira nian no istoria ne’e sai inspirasaun foun durante luta ba libertasaun patria iha tempu difisil nia laran, tanba ne’e joven tenke lee no aprende barak kona-ba istória.

“Hau sente orgullu iha tempu ne’eba sira hasoru difikuldade maibé nafatin kontinua sira nia estudu. Entaun ida ne’e ispira ami para kualker situasaun de’it ami tenke brani hasoru hodi dezenvolve rai ida ne’e ba oin.Tanba ne’e tenke estuda barak atu nune’e bele dezenvolve timor ne’e ba oin diak liu”, nia subliña.

Print Friendly, PDF & Email

LEAVE A REPLY

Please enter your comment!
Please enter your name here