Home Notisia CEPAD Lansa Manúal Sidadaun Iha Direitu Hatene Informasaun ho Transparénsia no Integridade

CEPAD Lansa Manúal Sidadaun Iha Direitu Hatene Informasaun ho Transparénsia no Integridade

334
0
CEPAD lansa manula konaba sidadaun iha direitu asesu informasaun. [Foto: Joselina | 06.07.2022]

Reportajen estudante estajiadu UNTL, Joselina dos Santos

Centro do Estudos Para a Paz e Dezenvolvimentu (CEPAD), servisu hamutuk ho Uniaun Europeia (UE) lansa Manúal Sidadaun ho Tema “Ita-Boot iha Direitu atu hatene informasaun” objetivu atu livre husi konflitu no transparénsia, integridade no akuntabilidade  iha prosesu dezenvolvimentu nasional no liberdade asesu informasaun.

Diretór Ezekutivu Centro do Estudos Para a Paz e Dezenvolvimento (CEPAD), João Boavida hatete, objetivu lansamentu  ohin ne’e atu públiku iha Timor-Leste kona-ba sira nia direitu Konstituisional atu bele asesu informasaun husi Governu, atu nune’e bele hadi’a sira nia moris lor-loron no mos hakbiit koñesimentu funsionáriu Públiku no Governasaun sira nia obrigasaun atu fó informasaun ba públiku.

“Dala barak ita halo konfuzaun entre informasaun ho impulsu maibe rua ne’e diferente, tanba bainhira koalia kona-ba informasaun presiza sidadaun sira hatene katak informasaun ne’e só mai husi governu relevante sira, tanba sira mak akumula informasaun ba benefisiu povu nian no mos lori osan povu nian atu hatene informasaun entaun osan ne’e atu gasta hodi hadi’a povu nia moris kona-ba setór Polítika, Ekonomia, Sosiál no Kultural nian”, Dehan,Diretór Ezekutivu CEPAD João Boavida hafoin Seremonia iha Salaun Hotel Novo Turismu, 06/07.

Nia dehan manúal ne’e iha  importante tolu mak hanesan atu hakbiit koñesimentu públiku nian kona-ba sira nia direitu tuir  Konstituisional Republika Demokratika Timor-Leste artigu 40, atu hakbiit Governante sira atu fó informasaun ba sidadaun sira no hatudu dalan ba sidadaun sira oinsá bele husu informasaun liu-liu ba parte relevante sira.

“Husi Peskiza ne’ebe ami iha hamutuk ho komunidade sira ho persentajen 200 resin iha nivél teritóriu laran, entre sira ne’e 25% de’it mak hatene kona-ba artigu 40 Konstituisional, entaun sira lahatene importansia husi artigu refere tan ne’e sira lahatene oinsá mak artigu ne’e bele hadi’a sira nia moris, maibe ema ne’ebe mak asesu informasaun ne’e só benefisia populasaun atu hadi’a sira nia moris,” nia informa.

Nia salenta, sira hein katak ho manúal ne’e bele tulun sidadaun sira no mos governante sira atu hamutuk bele hadi’a transparensia no kontabilidade iha Governu nian no mos bele hakbiit integridade governasaun sira. Tanba hetan  apoiu husi Uniaun Europeia ho Orsamentu Um Millaun hodi realiza atividade ida ne’e to’o oihn loron.

Print Friendly, PDF & Email

LEAVE A REPLY

Please enter your comment!
Please enter your name here