Reportajen Calisto dos Santos Oqui
Kandidatu Prezidente Republika, Virgilio da Silva Guterres ‘Lamukan’ ho númeru sorteiu 12, iha loron mundiál Feto ne’ebe monu iha loron 8 Marsu, hato’o nia lia menon iha diálogu ne’ebe halao iha Tutuala, munisipiu Lautem katak feto nia partisipasaun iha funu importante no iha valor boot, tanba sira sakrifika sira nia ba ukun rasik-an.
Iha Tutuala bainhira atu halo diálogu ho komunidade, Lamukan hahú ho un minutu de silénsiu, hodi hanoin hikas luta ne’ebe halo husi inan feto sira iha tempu okupasaun.
Lamukan dehan loron 8 Marsu, nu’udar loron mundiál feto sira nian fulan Marsu ne’e as’wain iha Tutuala ne’ebe mate ba rai ida ne’e.
“Atu hanoin ita nia inan feto sira husi 1974 Roza muki, Maria Goreti, Biloi, Bisoi, Bimesa, Asaldina Guterres, Albina Chai no feto sira ne’ebé mak hamriik ho kilat ho ita nia mane maluk sira, funu hasoru invazaun, no la goja timor nia independensia, sira la ezersa sira nia direitu atu hili sira nia Prezidente , ou sira nia partidu, tamba ba sira nia aten brani ne’ebé ohin loron ita hetan liberdade”, dehan Lamukan iha Tutuala, 08/03.
