Home Notisia ANPM Organiza Seminariu Ba Jornalista no Editor Sira Konaba Petroleu no Minerais

ANPM Organiza Seminariu Ba Jornalista no Editor Sira Konaba Petroleu no Minerais

160
0
aprezentasaun hosi ANPM. [Foto: Francisco JDA | 24.06.2020]

Reportazen Francisco JDA

Relasiona ho Aniversariu Autoridade Nasionál Petroleo Minerais (ANPM) ba dala 12,  ANPM introdus servisu kona ba Mina no Gás ba jornalista sira, hodi hasae konnesementu no abilidadae, konaba termu sientífiku sira, atu ajuda jornalista bainhira hala’o reportagen iha area Petroleo no Minerais

Prezidente ANPM, Gualdinho da Silva iha diskursu hateten, ANPM nudar autoridade reguladora ne’ebé reprezenta estadu mai fahe informasaun,  durante loron rua konaba termu tekniku barak

“Eventu ida ne’e ami iha hanoin rua, katak oinsá konvida ita nia maluk jornalista sira, atu bele partilha ba sira, informasaun ruma no mós saida de’it mak seitor Petroleo nia lalaok, liuliu pontu de vista autoridade reguladora nian”, hateten Presidente ANPM, Gualdinho da Silva iha Timor Plaza,24/06

Prezidente ANPM reforsa tan katak, ANPM ne’e hanesan entidade ida de’it, iha Ministeriu Rekursu Minerais Petroleo nia laran, Petroleo no Minerais iha gabinete Miniteriu Rekursu Minerais  nian rasik, semináriu ne’e ho objetivu atu komprende didiak faze termu tekniku sira kona ba Petroliu no Minerais.

Iha Fatin hanesan Prezidente Konselho Imprensa (KI), Virgilio da Silva Guterres iha diskursu hateten, hein katak hosi loron rua ne’e, jornalista sira bele hetan informasaun ruma kona ba seitor Petroliferu no Minerais, atu nune’e bele regularmente fo hatene ba leitores sira, kona ba lalaok petroliferu ne’e la’o oinsá

“Ita jornalista fo informasaun loron-loron ba ita nia leitores sira, kona asuntu sira ne’ebé ema dehan “Menyangkut hidup orang banyak” iha Lian Indonesia, entaun ita hatene atu esplika,  jornalista sira nia servisu mak atu esplika kona ba Petroleum ho simplis liu, atu sira bele komprende” esplika Virgilio da Silva Guterres.

Workshop ne’e partisipa hosi editor no jornalista sira, hosi media nasional sira ne’ebe mai hosi imprimi no eletronik, inklui media online Neon Metin

LEAVE A REPLY

Please enter your comment!
Please enter your name here