Home Notisia Covid-19, Presiza Halao Atividade Produtiva, Hamosu Empregu no Diversifika Ekonomia Iha TL

Covid-19, Presiza Halao Atividade Produtiva, Hamosu Empregu no Diversifika Ekonomia Iha TL

172
0
Feto agrikultor. [Foto: Copyright Oxfam TL | 24.06.2020]

Reportazen Zevonia Vieira

Pandemia Covid-19 kontinua sai ameasa boot ba mundu tomak, ne’ebe hakat tama iha fase ka level rua. Nasaun boot balun komesa hetan ameasa tanba hamamar tiha medidas prevensaun  no kontrola moras Corona.

Prezidente da Republika, Dr. Francisco Guterres informa ba publiku, liu hosi ceremonia tomada de posse ba membru governu nain 21 iha palacio prezidensia, katak moras ne’e afeta ona ema liu millaun 9 no infelizmente hamate ona ema liu total 4050 ona.

Prezidente Lu Olo hateten susesu medidas prevensaun foti hosi VIII governu Konstituisional, maibe la haluha hateten maturidade sidadaun sira nian no profisionalizmu hosi hotu, ne’ebe halao serbisu iha linha da frente ka linha oin.

“Parabéns ba  Primeiru-Ministru, maibé ita tenke matan-moris nafatin. Hahalok sala kiik ida, bele mós  halakon hotu kedas esforsu sira, ne’ebé ita halo to’o ohin loron”, hateten Lu Olo

Xefe Estadu hatoo preokupasaun katak iha era global, nasaun barak hasoru krize.

Iha eskala globál, ita la’ ós hasoru  de’it krize sanitária. Tanba Covid-19,  ema tokon ba tokon mak lakon ona empregu no tuir previzaun sira ne’ebé moderadu liu, ita sei tama  iha resesaun ida  ne’ebé afeta rai hotu-hotu.

Tuir Lu Olo dezafiu sira ne’ebé sei hasoru, iha tempu oin mai, obriga ita atu hili dalan inkluzaun, diálogu permanente, respeitu ba ema seluk nia hanoin, kapasidade atu servisu hamutuk ho neon,  liuliu ba moris-di’ak, ba Povu tomak no la´ós de’it ba interese ida-idak nian.

“Ita presiza hanoin fila fali oinsá hala’ o dezenvolvimentu nasionál. Urjente tebes atu hala’o  atividade produtiva, hamosu empregu no hasa’e rendimentu iha rai-laran. Nune’e, ita tenke diversifika ita-nia ekonomia no hare’e oinsá  haburas liután ekonomia ida ne’e ba beibeik. Atu hetan susesu, ita-nia rain tenke  hatene oinsá aproveita dia’k liu ita-nia rekursus umanus”, hateten Lu Olo

Lu Olo mos dezafia katak susesu ba preparasaun ba planu ida-ne’e, la’ós  depende de’it ba koñesimentu sientífiku no tékniku komisaun nian, maibé tenke  konta mós ho esperiénsia no partisipasaun hosi instituisaun relevante sira governu nian, hosi sosiedade sivíl, setór privadu no komunidade sira, no mós hosi parseiru dezenvolvimentu sira,  buka hametin nafatin kooperasaun ho ita-nia Rain.

LEAVE A REPLY

Please enter your comment!
Please enter your name here