Home Notisia KO Kansela TVE Ba Dubai Razaun Pozitivu COVID, Ezequiel: Hau Negativu Faktu...

KO Kansela TVE Ba Dubai Razaun Pozitivu COVID, Ezequiel: Hau Negativu Faktu Iha

718
0
Jornalista TVE Ezequiel das Neves. [Foto: Dok. Privadu | 16.10.2021]

Reportajen Zevonia Vieira

Komisaun Organizador (KO) Timor-Leste Expo Dubai kansela jornalista TVE ba Dubai ho razaunjornalista TVE, Ezequiel das Neves ne’ebe mak prontu ona no halo check in iha aero portu Nicolau Lobato, ho razaun tanba rezultadu PCR pozitivu.

Komisaun Organizador (KO) Timor-Leste Expo Dubai kansela jornalista TVE ba Dubai ho razaunjornalista TVE, Ezequiel das Neves ne’ebe mak prontu ona no halo check in iha aero portu Nicolau Lobato, ho razaun tanba rezultadu PCR pozitivu.

Maibe Neon Metin halo konfirmasaun ho Ezequiel das Neves konaba rezultadu PCR, nia rezeita katak rezultadu PCR negativu.

“Ami halo PCR test dala rua, premeiru ami tama iha faze rekuperasaun, ho ida ne’e sira konfirma ba sentru laboratóriu, no iha loron 12 Outubro sira telefone fali ami ba halo test PCR iha laboratóriu. Antes ami test, sira ne’ebe fo test ami dehan ami tama iha faze rekuperasaun tanba ami kuran deskansa ka imunidade nee tun oituan, ne’e mak sira haruka ami hemu juice barak. Bainhira ami test ami nia rezultadu sai fali iha ohin (14 Outubro dader), rezultadu sae kompletu negativu hotu. Hau negativu ba test daruak nian, hau nia rezultadu sai iha oras tuku 08:00 dader, agora Koordenador Manule Vong nian sai iha oras tuku 10.00”, hateten Ezequiel ba Neon Metin.

Nia hatutan karik antes ne’e sira prepara ona, nune’e ami sei telefone ba Komisaun katak oinsa ho ami nia PCR test, nia hatán katak, “PCR ba ita boot sira nian los hotu ona, hein iha aero porto deit maibe hau to’o iha ne’eba mak ita tama”. Ami tama to’o laran, ami check dala ida los tiha ona, maibe check tan dala rua iha imigrasaun mak ema foin avizu dehan jornalista Ezequiel das Neves ami kansela pozitivu ba COVID-19. Hau iha bukti hau nia rezultadu negativu

Chat entre Ezequiel ho parte komisaun. [Foto: Dok. Ezequiel | 16.10.2021]

“Hau nia PCR Test negativu, nusa mak hau pozitivu fali, depois komisaun aviasaun dehan ami simu lista husi Komisaun Organizadora dehan ita boot pozitivu, sira haruka hau bolu Manuel Vong tama mai maibe rezultadu PCR ikus ne’e ema fo dala ida, maibe sira nafatin dehan hau pozitivu, entaun sira kansela tiha hau”, klarifika Ezequiel das Neves.

Bainhira Ezequiel konfirma ba Manuel Vong, nia hatán deit “hau mos la espera problema ne’e akontese”.

Ezequiel mos informa katak antes loron atu arangka nia rasik simu ona billete aviaun no visa ba Dubai nian no rezultadu PCR mos hatudu negativu.

Neon Metin tenta halo konfirmasaun ho Komisaun Organizador Manuel Vong via Whatapp maibe seduak hetan konfirsaun husi Manuel Vong to’o oras publikasaun.

Tuir mai konversaun entre jornalista TVE Ezequiel ho Komisaun Organizador via WA

“Ezequiel: Bomdia koordenadór, deskulpa enkomoda tempu oinsa ho hau nia rezultadu test swab? Obrigado!

Koordenador: Bom dia irmaun Ezequiel, hau nia test PCR mos sedauk sai, ita reza no hein, visa ita boot nian sai ona,

Ezequiel: Dalaruma kuran deskansa mak hanesan ne’e

Koordenador: Amem, Ezequiel Dr. Liborio dehan rezultadu negativu

Neon Metin mos ases dokumentu Ezequiel nian konaba rezultadu PCR Test ne’ebe hatudu negativu ka la detekta maibe Neon Metin la bele publika tanba dokumentu konfidensial ne’ebe labele hatudu ba publiku.

Pavilion expo Dubai. [foto: Copyright google | 16.10.2021]

Expo 2020 Dubai nu’udar agenda mundiál nian ne’ebé boot liu depois de Copa Mundial no Olimpiade ne’ebé sei hala’o durante fulan 6 nia laran, hahú husi 20 Outubru to’o 10 Abril 2021.

Expo ba dala-34 ne’e monta iha area estrategia ho metade 438 hectares ne’ebe sei fahe ba zona tolu, mak hanesan mobilidade no sustentabilidade.

Print Friendly, PDF & Email

LEAVE A REPLY

Please enter your comment!
Please enter your name here