Home Notisia CLN Garante Stock no Presu Fos ba Natal no Tinan Foun

CLN Garante Stock no Presu Fos ba Natal no Tinan Foun

170
0
Augusto Trindade Junior, Presidente CLN, Intervista ho Media (Foto: ALC)

Reportajen Francisco JDA

Oxfam Organiza seminario ho tema ‘Hasae Produsaun Fos Lokal, Konta ho Partisipasaun Feto”. Iha seminar ne’e Presidente Centro Logistiku Nasional (CLN), Augusto Trindade Junior expressa katak produsaun fos local seidauk to’o atu hakonu konsumu nasional. Rai mak potensia ba halo natar 80 mil hektare resin maibe foin mak halo deit 15 mil hektares resin. Maibe nia garante katak stock fos naton ba Natal no Tinan Foun.

Seminar ne’e halo ho objetivo atu stimula diskusaun publik kona ba asuntu oinsa hasae produsaun fos local. hatene dezafiu sira no opurtunidade investementu ba hasae produsaun fos local no involve no influensia, vertikalmente no horizontalmente, hanoin diak sira hodi fo atensaun liutan ba hasae produsaun fos local. Seminar ne’e halao iha Salaun Joao Paulo II, iha Comoro Dili.

Tuir Presidente Centro Logistiku Nasional (CLN), Augosto Junior Trindade, afirma, fulan Novembro ho Dezembro, Natal no Tinan Foun   CLN sempre preokupa ho stock fos,  tanba fos lokal dadaun ne’e iha 600 toneladas deit.

“Ami servisu hamutuk ho seitor privadu ho kompania importador sira atu garante katak situasaun ida ne’e, tama iha fulan Novembro no Dezembro ita nia stock la iha problema. Ita hotu fiar katak estadu konserteza lakohi nia povo festeza Natal ho Tinan Foun ho fali situasaun ida ne’ebé menus ai-han,” tenik Augosto iha Salaun Sao Paulu II, Comoro 22/11/2019.

Nia haforsa liu tan dehan, tuir dadus diagnostika hatudu rai ne’ebé potensial ba natar iha 80 mil hectares resin no rai ne’ebé potesial no utuliza ona iha 15 mil hectares resin. No produtividade uma kain ida bele kaer 3,65 hectares natar. Kada tinan ema ida konsumu fos 106 kg no populasaun hotu-hotu konsumu fos husi fulan too tinan hamutuk 133,974 toneladas.

Augusto ne’ebe nudar mos membro RENETIL ne’e mos dehan konsume nasional kada tinan boot tebe-tebes, tamba ne’e presija servisu hamutuk ho seitor privadu, nune’e bele ajuda no sira bele hatama fos husi rai liur. Maibe ho presu ida ne’ebé natoon nune’e komunidade sira bele asesu iha tempo Natal no Tinan Foun

“Dadus husi Ministerio Agrikultura hatudu ita nia produsaun menus. Maibe ho buat sira ne’e CLN agora servisu hamutuk ho ministerio Agrikultura ho Secretariado Coperativa ho IJE para oinsa atu fokus ba hasae produsaun iha rai laran. CLN sei sai garantor ba merkadu maibe se mak dudu produsaun rai laran Ministeriu Agrikultura, no agrikutor sira,” Dehan Augusto Junior.

Besik tama ba natal no tinan foun CLN halo ona diskusaun ho importador sira para presu fos ne’e la bele book an. Nune’e CLN mos husu ona ba importador sira liu-liu iha foho, presu fos ne’e hanesan iha Dil,  la bele iha diferensia nune’e komunidade hotu bele asesu

Iha fatin hanesan Direitora Organizasaun Haburas Moris, husi Municipio Bobonaru Rince Nipu iha nia aprezentasaun  katak  problema hasae fos local ne’e sai dezafiu tanba toos nain barak mak la asesu ba irigasaun. Nune’e fos nain balun deit mak bele kuda no koilheta tinan ida dala rua nune’e toos nain menus kapasidade atu hasae sira nia produsaun.

“Kualidade rai menus ba bei-beik, mineral esensial ba rai komesa menus, no toos nain hetan pagamentu tinan ida dala ida deit iha tempu koilheta. Hare tonelada 1 ho presu 400 Dolares Amerikanu kada toos nain ida, no Kilo 1, osan montante 0,40 cent,” dehan Rince.

Rince reforsa tan sosa nain ba produtu lokal sira husi, sector privadu, MTCI, inklui sosa nain independente husi Municipio Maliana no Dili, maibe uituan deit. Signifika katak toos nain sira hetan osan kiik iha tinan ida. Maioria toos nain sira la iha trasporte nune’e bele sustenta sira nia produtu ba merkadu, estrada komesa hadia maibe la iha kualidade nune’e trasnporte sira la bele asesu ho diak.

LEAVE A REPLY

Please enter your comment!
Please enter your name here