Home Notisia Kazu 71 Resjitadu Iha PNTL Ainaro, Justinho: Ne’e Kazu Simples

Kazu 71 Resjitadu Iha PNTL Ainaro, Justinho: Ne’e Kazu Simples

184
0
Polísia Nasionál Timor-Leste PNTL, Munisipiu Ainaro Superintendente Xefi Justinho Menezes. [Foto: Francisco JDA | 21.11.2019]

Reportazen Francisco JDA

Polísia Nasionál Timor-Leste PNTL, Munisipiu Ainaro Superintendente Xefi Justinho Menezes, aprezenta relatoriu relasiona ho kazu krimi ne’ebe akontese iha munisipiu Ainaro, hamutuk 71, hahu hosi Janeiru to’o Novembru 2019.

Liu hosi workshop Internasional konaba Rules and Standards for Policing Senior Officers, ne’ebe halao iha Otel JL-Vila esplika katak, kazu krimi ne’ebe akontese nudar kazu convenes korparais simples no violensia domestika balun.

“Iha Ainaro kazu bo’ot la iha, iha kazu natoon ne’ebé mak akontese, kazu sira ne’e husi kazu 71 ba rejistu hotu iha Ministériu Públiku Suai, konsege Ministériu Públiku delega ba polísia investigasaun kriminal iha munisipiu Ainaro iha kazu 43, kazu sira ne’e investigadu, nia resultadu intrega fila fali ba Ministériu Públiku, kontinua ba Tribunal Distrital Suai”, dehan Justinho.

Justinho hatutan konaba problema asidente iha Munisipiu Ainaro husi Janeiro to’o agora hamutuk kazu 40, nune’e la iha asidente grave no iha kanek todan iha 38, kanek kmaan iha 40, iha mos estragus kareta no motor hamutuk 26.

“Munisipiu Ainaro agora dadaun kontinua hala’o asaun prevensaun, ita halo asaun atividade polisiamentu comunitária, liu husi edukasaun sívika ne’e, iha ne’ebá halo check point konjunta mai hosi seksaun tránzitu, seksaun investigasaun kriminál, seksaun forsa reserva sira durante 24 horas halo check point conjunta, ita prepara leis código de estrada”, esplika Justinho.

Superintendente ne’e mos hateten katak Lei sira ne’ebé relevante ba criminalidade, ne’e fó kedas iha terrenu no esplika kedas bainhira hetan transporte prende ba motorista sira kona-ba regra, nune’e sira la’o tenke kuidadu, halo mós deziminasaun husi suku to’o iha eskola sira, kona-ba violénsia doméstika no regra tránzitu nian.

Relasiona ho eventu ne’e, iha fatin hanesan Superintendente Xefi Carlos Jerónimo hateten, komandante hotu mai partisipa iha workshop ne’e, tamba regras nasional importante tebes ba membru sira hotu, hodi bele hatene kona-ba regra polísia nian.

“ Espera katak sira iha kuñesimentu ne’e integra iha ne’ebá, sira la sente buat foun ba sira saida mak sira atu halo, regras ne’e kona-ba oinsá disorden sosiál, fó protesaun ba ema liu-liu haree ba iha fatin sira ne’ebé iha situasaun ne’ebé mosu buat bo’ot” tenik Carlos.

LEAVE A REPLY

Please enter your comment!
Please enter your name here