Home Memoria Manifestasaun 19 Novembru 1991 Iha Jakarta-Indonesia, Lisaun ba Juventude Kontinuadores

Manifestasaun 19 Novembru 1991 Iha Jakarta-Indonesia, Lisaun ba Juventude Kontinuadores

371
0
Konferensia Imprensa Komemora Manifestasaun 19 Novembru 1991 (Foto: Fransisco JDA)

Reportajen Fransisco JDA

Manifestasaun 12 Novembru 1991 iha Dili, dada no dudu nasionalista sira Timoroan sira iha Indonesia atu tun ba dalan iha Jakarta hodi halo protesta. Movimentu nasionalista estudantes, trablahdores, juventude Timorense iha Indonesia hamutuk hikas ohin lokraik hodi komemora  aniversario ba 28 manifestasaun pasifiku  juventude Timorense iha Jakarta-Indonesia iha 19/11/1991. Sira hotu iha momentu ne’eba hela namkari iha indonesia, ho espiritu nasionalismo no patriotismo halibur malu ho neon ho laran  hodi luta ba libertasaun da patria hosi okupasaun Indonesia em geral liu hosi asaun politiku, protestos, no manifestasoens. Manifestasuan ne’e nudar lisaun bot ba joven kontinuador sira atu kontinua hamutuk.

Ex-Vice Koordenador Movimentu Nacionalista Estudantes Timorense-Bandung, Victor da C. Soares, hatete, estudantes no juventude ne’ebé uluk luta, no halao desmostrasaun iha indonesia Jakarta hamutuk 72 maibe dadaun konfirmado hamutuk 40, no 30 seidauk konfirmado tamba halao atividade seluk iha liur, no balun halo hela servisu estadu nian, hosi Jakarta ema nain 4, Bandung  ema 33, Semarang 10, Yogyakarta ema nain 8, Surabaya 2, Malang 12 no Bali ema nain 2.

“Iha momentu ne’eba MNJTL iha indonesia halo ezisencia ba ONU mak exekuta resolusaun Asembleia Geral ONU nian konaba retirada imediata okupasaun militar Indonesia Iha Timor-Leste, no resolasaun Conselho Seguranca ONU ne’ebé rekoinese direitu inalienavel povo hotu-hotu ba autodeterminasaun e independente ba rai no povo sira ne’ebé kolonializado. Ezisensia seluk mak husu ba militar Indonesia atu devolve mate isin ba familia sira, retirada militar Indonesia hosi Timor laos derota maibe hatudu Indonesia nia laran luak hanesan nasaun boot. Iha banner/spanduk ne’ebe lori  hakerek oioin no iha ida hakerek, “Diak Liu Ami Mate Duke Integrasaun,” Victor hato’o lia memoria hirak ne’e iha Edifisu CNC nian oin, Balide, 19/11/2019.

Portavos ne’e hatete mos katak petisaun ne’ebé hatoo ba ONU mak nudar ita nia kilat ne’ebé potente liu militar Indonesia nain.no spanduk sira ne’ebé ita lori  mak loke  povo Indonesia nia matan hodi provoka ka sadik hamosu reformasi tuirmai.

Iha fatin hanesan, Seccretario Jeral RENETIL, Joaquim “Russuo” Fonseca, hatete, presensa iha ne’e atu presta homenajen no iha faktus balun bele sai hanesan lisaun ba juventude kontinuadores iha ita nia rai ne’e bele leno an ba iha saida mak juventude iha funu halo.

“Asaun iha 19 Novembro ne’e  nia konsequencia  ba partisipante sira ne’e grave tebes balun fila mai ba ida-idak nia eskola hasoru difikuldades. Ba RENETIL, husi asaun 19 Novembro la haketak malu ho 12  Novembro ne’ebé halao iha Timor-Leste, nia implementasaun ba loron mak muda maibe planu halo hamutuk iha kontexto simu delegasaun  Parlamentu Portugal,” Russuo esplika.

Russuo mos hatutan dehan nia haksolok no louva ba sira nia atitude tanba sira iha neon nakloke servisu hamutuk ba funu, ita konsege hakat risku ida ne’e konfia kompanheiro nain rua Domingos “Nagasoro”, no Joao Camara bele deskute asaun ne’e iha Bandung ba hamutuk iha liras loriku aswain nia okos.

“Konsequencia hosi asaun ida ne’e grave ba Diresaun Nasional Central iha Bali naksobu. Xefe Departamentu sira ema kaer hotu, ikus mai ema husik fali Saudozo La Sama tur iha Bali, maibe simu konsequencia hosi asaun ne’ebé nia maluk sira halo, atu menbro RENETIL ou laos membro ne’ebé halo asaun iha 19 Novembro ba hatan iha tribunal,” Russuo aumenta.

Mensajen hosi RENETIL ba komemorasaun ida ne’e mak uluk ita bele servisu hamutuk ba luta konkista ita nia ukun an agora mos ita bele.

LEAVE A REPLY

Please enter your comment!
Please enter your name here