Home Feature Inundasaun Nudar Dezastre Boot Ba Saturnino, Tanba Dokumentus Mohut Iha Bee Laran

Inundasaun Nudar Dezastre Boot Ba Saturnino, Tanba Dokumentus Mohut Iha Bee Laran

240
0
saturnine Martins nudar vitima hosi inundasaun. [Foto: Adroaldo Saretukau | 23.03.2020]

Reportazen  Adroaldo Saretukau

Inundasaun ne’ebe akontese sai dezastre boot ba maluk sira ne’ebe afetadu, tenke lakon sasan importante, tenke lakon ema no uma mos hetan estragus.

Halerik maibe halerik los ba se? hakilar maibe hakilar los ba se? se nia salah, se mak halo ida ne’e? realidade hatudu katak ema kbiit laek sira mak sente liu risku no susar, bainhira dezastre ne’e akontese.

Foinsa’e ida hosi Municipio Ermera, postu administrative Railaco, saturnine Martins ne’ebe muda mai hela iha Dili, hodi kontinua nia estudu iha ensinu Sekundariu iha tinan 2010. Saturnino mos afetadu hosi inundasaun no nia tenke lakon nia sasan importante sira.

Ba Neon Metin Saturnino haktuir katak lakon dokumentu lubuk ida, liu-lou sertifikadu sira, “ha’u hanesan joven ida, ha’u sente hanesan lakon ha’u nia vida. Pesoalmente ha’u sente triste no tanis tanba ha’u hanoin ha’u nia futuru lakon. Ha’u nia isin ne’e sente kontente, mais ha’u nia fuan ne’e triste, tan lakon ha’u nia dokumentus. Dokumentus hotu-hotu la iha hotu kedas, ha’u nia sertifikadu sira. Ha’u la hatene tanba iha odamatan leet, depois keta bee lori sai, dala ruma tahu ne’e hanehan”.

Saturnino ne’ebe hela oha Kos iha Kaikoli, hanesan ema kbiit laek nia oan, lao rai mai iha Dili hodi buka bukae ruma, atu bele prepara nia future, maibe inundasaun ne’ebe akontese, hanesan fatuk ida ne’ebe hanehan nia, no la hatene los atu halao nia futuru oinsa. Sasan uma nian hanesa rice cooker, vintunha , foos karon ida no osan $13.00, bee lori hotu. Maske sasan ne’e buat laek no valor kiik, maibe ba Saturnino ida ne’e mak nia riku soin, hodi tulun nia aguenta nia moris.

Saturnino haktur akontesementu ne’ebe akontese ba Neon Metin bainhira inundasaun akontese ho udan boot.

“Iha momentu udan ne’e, iha dadersan hau tuir kursu iha ETDA, pois sai tuku 12 meudia, ha’u deskansa tiha oituan, ha’u kontinua ba fali kursu lian Korea tuku 2.00 iha Becora no ha’u sai tuku 3.00. Iha momentu ne’eba hahú nakukun no komesa udan, ha’u komesa buka fatin mahon ho kolega sira hodi satan netik aan. Haree udan komesa tau maka’as, entau kareta la halai, ha’u tenta buka dalan atu mai, maibé iha momentu ne’eba la konsege, ha’u buka dalan 3, hosi Bidau, ponte Mau-Felu no ponte Bekuse nian, atu ba ha’u nia kos, tanba hanoin hau nia dokumentus, maibé labele ba tanba mota boot”, esplika vitima inundasaun iha Kaikoli Saturnino Martins.

Saturnino hatutan bainhira udan komesa para, to’o iha nia kos tuku 8.00 kalan, no nia vinjinhu balun konsege hasai nia pasta, maibe la konsege salva dokumentus sira.

“Momentu bee tama aproveita ho tahu, entaun hau lahatene dokumentus sira ne’e ba iha ne’ebé. Hau hare triste no labele halo buat ida tanba dokumentus importente lakon hotu. Iha ne’e hela de’it ha’u nia sertidaun Batizmu maibé la moos, sertidaun kazamentu inan-aman nian mos la moos hotu. Dokumnetus sira seluk hotu ha’u lahetan, sertidaun batizmu inan-aman nian, ha’u nia kartaun evidénsia hosi SEFOPE, sertifikadu, Diploma eskola Primária, Pre-Sekundária no Sekundária lakon hotu no hotu-hotu original”, tenik Saturnino ho laran triste

Durante Saturnino hakaas hodi tuir kursu iha ETDA no atende mos kursu lian Korea iha centru formasaun Bekora.  Saturnino hakarak kontinua nia estudu  iha nivel universidade, maibe hanesan ema kbiit laek nia oan, laiha kbiit atu kontinua nia estudante.

LEAVE A REPLY

Please enter your comment!
Please enter your name here